റോഡിലടിഞ്ഞു കൂടിയ മഞ്ഞു നീക്കം ചെയ്യുന്നതിന് രാവിലെ മുതല്‍ തന്നെ സിറ്റി ജീവനക്കാര്‍ ശ്രമമാരംഭിച്ചിരുന്നു.

നിരത്തിലിറങ്ങിയ പല വാഹനങ്ങളും, മണിക്കൂറോളമാണ് റോഡില്‍ കുടങ്ങി കിടന്നത്. ഐസ് മൂലം തെന്നി നീങ്ങിയ വാഹനങ്ങള്‍ റോഡില്‍ തടസ്സമുണ്ടാക്കിയതാണിതിനുകാരണം. ഡാളസ് ഫോര്‍ട്ട് വിമാനത്താവളത്തില്‍ വന്നിറങ്ങേണ്ട 240 ഉം, പുറപ്പെടേണ്ട 200 വിമാനങ്ങളുമാണ് കാന്‍സല്‍ ചെയ്തത്. വെള്ളിയാഴ്ച താപനില ഇനിയും താഴുവാന്‍ സാധ്യതയുള്ളതിനാല്‍ ശനിയാഴ്ച സ്ഥിതി കൂടുതല്‍ വഷളാകും എന്നാണ് മുന്നറിയിപ്പ്. ശനിയാഴ്ച യാത്രയ്ക്കിറങ്ങുന്നവര്‍ മുന്‍കൂട്ടി വിവരങ്ങള്‍ തിരക്കിയതിനുശേഷം മാത്രമേ പുറപ്പാടാവൂ എന്നും അധികൃതര്‍ അറിയിച്ചിട്ടുണ്ട്. വാരാന്ത്യം നടക്കേണ്ട ക്ലാസുകളെല്ലാം ഭൂരിഭാഗവും കാന്‍സല്‍ ചെയ്തതായി അറിയിച്ചിട്ടുണ്ട്.