ചിക്കാഗൊ സിറിറി കൗണ്‍സില്‍: അമേയ പവാര്‍ ജയിച്ചു; ഷാജന്‍ കുരിയാക്കോസ് പരാജയപ്പെട്ടു
പി. പി. ചെറിയാന്‍ Published on 28 February, 2015
ചിക്കാഗൊ : ചിക്കാഗൊ സിറ്റി കൗണ്‍സിലിലേക്ക് നടന്ന വാശിയേറിയ തിരഞ്ഞെടുപ്പില്‍ ഇന്ത്യന്‍ വംശജനും ഡമോക്രാറ്റിക്ക് സ്ഥാനാര്‍ത്ഥിയുമായ അമയ പവാര്‍ (34) വമ്പിച്ച ഭൂരിപക്ഷത്തോടെ വീണ്ടും തിരഞ്ഞെടുക്കപ്പെട്ടു.
ഫെബ്രുവരി 24 ന് നടന്ന തിരഞ്ഞെടുപ്പില്‍ പോള്‍ ചെയ്ത വോട്ടുകളില്‍ 82.8 ശതമാനം നേടിയാണ് എതിര്‍സ്ഥാനാര്‍ത്ഥി റോറി ഫീല്‍ഡറിനെ പവാര്‍ പരാജയപ്പെടുത്തിയത്. പവാറിന് 9740 വോട്ടും, റോറിക്ക് 2021 വോട്ടും ലഭിച്ചു.
രണ്ടാം തവണയാണ് പവാര്‍ ചിക്കാഗൊ സിറ്റി കൗണ്‍സിലിലേക്ക് തിരഞ്ഞെടുക്കപ്പെടുന്നത്.
ചിക്കാഗൊ സിറ്റി കൗണ്‍സിലില്‍ ആദ്യമായി ഇന്ത്യന്‍ വംശജന്‍ അംഗമാകുന്നത് 2011 ല്‍ പവാര്‍ നേടിയ ഉജ്ജ്വല വിജയത്തോടെയാണ്. അന്ന് പോള്‍ ചെയ്ത വോട്ടുകളില്‍ ്മ്പതു ശതമാനമാണ് പവാറിന് ലഭിച്ചിരുന്നത്.
ഡിസംബറില്‍ വിവാഹിതനായ പവാറിന് ലഭിച്ച ചരിത്ര വിജയം മധുവിധു ആഘോഷിക്കുന്നതിന് തടസ്സമാകുകയില്ല എന്നാണ് ജയിച്ചതിനെ കുറിച്ചു പ്രതികരണമാരാഞ്ഞപ്പോള്‍ അഭിപ്രായപ്പെട്ടത്.
യൂണിവേഴ്‌സിറ്റി ഓഫ് ചിക്കാഗോയില്‍ നിന്നും, ഇല്ലിനോയ്‌സ് ഇന്‍സ്റ്റിറ്റ്യൂട്ട് ഓഫ് ടെക്ക്‌നോളജിയില്‍ നിന്നും ഇരട്ട ബിരുദാനന്തര ബിരുദം പവാര്‍ കരസ്ഥമാക്കിയിട്ടുണ്ട്.
ചിക്കാഗൊ സിറ്റി കൗണ്‍സിലിലേക്ക് മത്സരിച്ച വ്യവസായിയും, മലയാളിയുമായ ഷാജന്‍ കുരിയാക്കോസും, ഇന്ത്യന്‍ വംശജന്‍ ബോബു ഗല്‍ഹോത്രയും പരാജയപ്പെട്ടു.
ചിക്കാഗൊ ഗവര്‍ണ്ണര്‍ പാട്രിക്ക് ക്ലിന്‍ 2011 ല്‍ പവാറിനെ ഇല്ലിനോയ്‌സ് ഇനോവേഷന്‍ കൗണ്‍സിലിലേക്ക് നോമിനേറ്റ് ചെയ്തിരുന്നു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala