തെന്നിന്ത്യന് ഗ്ലാമര് നടി നയന്താര ഇതാദ്യമായി സൂപ്പര് നടന് വിക്രമിന്റെ നായികയാവുന്നു. എ.ആര് മുരുഗദോസിന്റെ സംവിധാന സഹായിയായിരുന്ന ആനന്ദ് ശങ്കര് സംവിധാനം ചെയ്യുന്ന ചിത്രത്തിലാണ് നയന്സ് വിക്രമിനൊപ്പം അഭിനയിക്കുന്നത്. പൂര്ണമായും ഒരു ആക്ഷന് ത്രില്ലറായിരിക്കും ഈ സിനിമയെന്നാണ് റിപ്പോര്ട്ടുകള്.
കഴിഞ്ഞ വര്ഷം 'അരിമ നമ്പി' എന്ന സൂപ്പര്ഹിറ്റ് ചിത്രം ഒരുക്കിയ സംവിധായകനാണ് ആനന്ദ് ശങ്കര്. വിക്രം പ്രഭു ആയിരുന്നു ആ ചിത്രത്തിലെ നായകന്. നയന്താരയെയും വിക്രമിനെയും ജോഡിയാക്കി സംവിധായകന് ഭൂപതിപാണ്ഡ്യന് മുമ്പ് ഒരു സിനിമ ആലോചിച്ചതാണ്. രാജവേഷം എന്നായിരുന്നു ആ പ്രൊജക്ടിന്റെ പേര്. എന്നാല് ചില പ്രത്യേക കാരണത്താല് ആ സിനിമ യാഥാര്ത്ഥ്യമായില്ല.
ഐ എന്ന സിനിമയുടെ വിജയം വിക്രമിന്റെ താരമൂല്യം വല്ലാതെ ഉയര്ത്തിയിട്ടുണ്ട്. വമ്പന് സിനിമകളാണ് ഇപ്പോള് വിക്രമിനെ തേടിയെത്തുന്നത്. വിജയ് മില്ട്ടണ് സംവിധാനം ചെയ്ത '10 എണ്റതുക്കുള്ളേ' എന്ന സിനിമ പൂര്ത്തിയായിക്കഴിഞ്ഞു. ഗൗതം വാസുദേവ് മേനോന് തന്റെ അടുത്ത ചിത്രത്തിലെ നായകനായും വിക്രമിനെയാണ് തീരുമാനിച്ചിരിക്കുന്നത്.