വാഷിങ്ങ്ടന് ഡി.സി: നിത്യസഹായ മാതാവിന്െറ നാമ ത്തിലുള്ള ഗ്രേറ്റര് വാഷിങ്ങ്ടന് സീറോ മലബാര് ചര്ച്ച് സ്വന്തമായി ഒരു ആരാധനാലയം നിര്മ്മിക്കുന്നതിനുള്ള ധന സമാഹരണത്തിനായി
സംഗീത മെഗാ ഷോ നടത്തുന്നു.
മെയ് മാസം ഒമ്പതാം തിയതി ശനിയാഴ്ച വൈകുന്നേരം 6 മണിക്ക് ബെല്റ്റ്സ്വില്ലിലുള്ള ഹൈപോയിന് ഹൈസ്കൂളില് വച്ചു സ്റ്റീഫന് ദേവസ്സിയും, പിന്നണി ഗായിക റിമി ടോമിയും നയിക്കുന്ന സംഗീത മെഗാ ഷോയുടെ ടിക്കറ്റ് വില്പ്പനയുടെ ഉത്ഘാടനം ജനുവരി മാസം 18 -ന് മേരിലാന്റിലുള്ള സെന്റ് ഓഫ് ലിമ പള്ളിയില്വച്ച് മിഷന് ഡയറക്ടര് ഫാ. മാത്യു പുഞ്ചയില് നിര്വഹിച്ചു.
വിശുദ്ധ കുര്ബാനയ്ക്കു ശേഷം നടന്ന യോഗത്തില് വെച്ചു റോയ് മാത്യു, രഞ്ജു തച്ചങ്കരി, ഫ്രാന്സിസ് പള്ളിപറമ്പില് എന്നിവര് പ്രോഗ്രാം കമ്മിറ്റി കണ്വീനര് മനോജ് മാത്യുവിന്റേയും, ടിക്കറ്റ് സെയില്സ് കോര്ഡിനേറ്റര് തോമസ് സെബാസ്റ്റ്യന്റേയും സാന്നിധ്യത്തില് ഫാ. മാത്യു പുഞ്ചയില് നിന്ന് ടിക്കറ്റ് ഏറ്റു വാങ്ങി.
പ്രസ്തുത പരിപാടിയുടെ വിജയത്തിനായി എല്ലാവരുടയും സഹായ സഹകരണം ഫാ. മാത്യു പുഞ്ചയില് തന്റെ സന്ദേശത്തില് അഭ്യര്ത്ഥിച്ചു. റെക്സ് തോമസ്, ജാസ്മിന് ജോസ്, ഡേവിസ് ചാലിശേരരി, ജോണി ആലഞ്ചേരി, ജെയിംസ് പോള്, ജോയല് ജോസ് ,ജെന്സണ് ജോസ് , റോബി ജോര്ജ്, ജെഫി ജോര്ജ്, റോയി റാഫേല്, ജിജോ ജോസഫ് ,തോമസ് എബ്രഹാം, ലിജി റെജി, നിഷ ഫ്രാന്സിസ് തുടങ്ങിയവരുടെ നേതൃത്വത്തില് വിവിധ കമ്മറ്റികള് പ്രവര്ത്തനം തുടങ്ങി.