ഡെന്വര്: ഓണ്ദഗോ ഭക്ഷണം വര്ഷങ്ങളായി
പ്രചാരത്തിലുണ്ട്. ഉടനെ തന്നെ ഓണ്ദഗോ ആല്ക്കഹോളും സ്റ്റോറുകളിലെത്തും.
പൗഡര് രൂപത്തില് ലഭിക്കുന്ന ഇത് കലക്കികുടിക്കാമെന്ന് നിര്മ്മാതാക്കള്
പറയുന്നു. പാല്ക്കഹോള് എന്നു പേരിട്ടിരിക്കുന്ന ഈ പൊടിയുടെ ഓരോ പൊതിയും
ഒരു ഷോട്ടിന് തുല്യമാണ്. ഒരു ഔണ്സ് റമ്മോ വോഡ്കയോ ആണ് പൗഡറായി
ലഭിക്കുന്നത്.
യുവാക്കളെയും കുട്ടികളെയും ഇത് വല്ലാതെ ആകര്ഷിക്കുമെന്ന് അധികൃതര്
ഭയപ്പെടുന്നു. ബ്രേക്ക്ഫാസ്റ്റിനു കഴിക്കുന്ന വീറ്റീസിനോ മറ്റേതെങ്കിലും
ഭക്ഷണത്തിനോ മുകളില് ഈ പൊടി വിതറി കുട്ടികള് കഴിച്ചേക്കും എന്ന
അപകടസാധ്യതയുമുണ്ട്.
ലിപ്സ്മാര്ക്ക് എന്ന കമ്പനിയാണ് പാല്ക്കഹോളിന്റെ നിര്മ്മാതാക്കള്.
കമ്പനിയുടെ വെബ്സൈറ്റില് ഇത് പല സ്ഥലങ്ങളിലും, യാത്രകളിലും,
പ്രത്യേകിച്ച് വിമാനയാത്രകളിലും സൗകര്യപ്രദവും ഉപയോഗപ്രദവുമാണെന്ന്
അവകാശപ്പെടുന്നു. മാത്രമല്ല, വിദൂരസ്ഥലങ്ങളില് ഈ പൊടി ആന്റിനെപ്ടിക്കിന്റെ
പ്രയോജനം ചെയ്യുമെന്നും തുടര്ന്നു പറയുന്നു. മലകയറ്റം തുടങ്ങിയ
വാതില്പ്പുറ കര്മ്മങ്ങളില് കൊണ്ടുനടക്കാന് സൗകര്യപ്രദമായ
പൊടിയെക്കുറിച്ചാലോചിച്ചാണ് ഈ കണ്ടുപിടുത്തം നടത്തിയതെന്ന് ഉപജ്ഞാതാവ്
മാര്ക്ക് ഫിലിപ്സ് അവകാശപ്പെട്ടു.
അലാസ്ക, ഡെലവെയര്, ലൂസിയാന, സൗത്ത് കരോലിന, വെര്മോണ്ട് എന്നീ
സംസ്ഥാനങ്ങള് ഈ പൊടിയുടെ വില്പന നിരോധിച്ചതായി നാഷണല് കോണ്ഫറന്സ് ഓഫ്
സ്റ്റേറ്റ് ലെജിസ്ലേറ്റേഴ്സ് പറഞ്ഞു. കൊളറാഡോയും ഇതിന്റെ
നിരോധനത്തെക്കുറിച്ചാലോചിക്കുകയാണെന്ന് കൗണ്ടി ഷെരീഫ്സിന്റെ
എക്സിക്യൂട്ടീവ് ഡയറക്ടര് ക്രിസ് ജോണ്സണ് പറഞ്ഞു. ഈ സംസ്ഥാനങ്ങള്ക്ക്
പിന്നാലെ മിനിസോട്ടയും, ഒഹായോവും, ന്യൂയോര്ക്കും നിരോധനം
ഏര്പ്പെടുത്താന് സാധ്യതയുണ്ട്.
പ്രായപൂര്ത്തിയാകാത്തവരില് ഇത് മദ്യപാനം പ്രോത്സാഹിപ്പിക്കും എന്ന വാദം
ഫിലിപ്സ് തള്ളി. ലിക്കര് സ്റ്റോറുകളില് 21 വയസു കഴിഞ്ഞവര്ക്കേ ഇത്
വില്ക്കൂ എന്നും ഫിലിപ്സ് പറഞ്ഞു.