അതേസമയം മാണി രാജിവയ്ക്കണം എന്ന് മുഖ്യമന്ത്രി ഉമ്മന്‍ ചാണ്ടി അദ്ദേഹത്തോട് ആവശ്യപ്പെടുമോ എന്നാണ് രാഷ്ട്രീയ കേന്ദ്രങ്ങള്‍ ഉറ്റുനോക്കുന്നത്. മാണിയെ ഒന്നാം പ്രതിയാക്കി കേസെടുക്കാന്‍ വിജിലന്‍സ് തീരുമാനിച്ച സാഹചര്യത്തില്‍ കേസ് അന്വേഷണം ആവശ്യപ്പെട്ടിരിക്കുന്നത്. സ്വാഭാവികമായും മുഖ്യമന്ത്രിയ്ക്ക് മൗനം പാലിക്കാന്‍ സാധിക്കില്ല. ആഭ്യന്തരമന്ത്രി രമേശ് ചെന്നിത്തല മാണി രാജി വെയ്‌ക്കേണ്ടതില്ല എന്ന് പറഞ്ഞുവെങ്കിലും മുഖ്യമന്ത്രി എന്തു നിലപാടെടുക്കും എന്ന് കേരള കോണ്‍ഗ്രസ്, കോണ്‍ഗ്രസ് നേതാക്കളില്‍ ആശങ്ക ഉളവാക്കിയിട്ടുണ്ട്. അദ്ദേഹവുമായി അടുപ്പമുള്ളവര്‍ മനസ്സ് തുറന്നിട്ടില്ല. കേസെടുക്കുന്ന കാര്യം ചൊവ്വാഴ്ച തന്നെ നേരത്തേ തന്നെ അനൗദ്യോഗികമായും അറിയാമായിരുന്നു. എന്നാല്‍ വി.എം.സുധീരന്റെ ജനപക്ഷയാത്രയുടെ സമാപനത്തില്‍ രാഹുല്‍ ഗാന്ധി പങ്കെടുത്തു മടങ്ങിയിട്ടു മതി കേസ് എടുക്കുന്നതും അത് പുറത്തുവിടുന്നതും എന്നു തീരുമാനിക്കുകയായിരുന്നുവത്രേ. രാഹുലിന്റെ വാര്‍ത്താ പ്രാധാന്യം കുറയാതിരിക്കാനായിരുന്നു ഇത്.

എന്തായാലും ബുദ്ധിപരമായ സമീപനം കാട്ടിയില്ലെങ്കില്‍ ചിലപ്പോള്‍ സര്‍ക്കാരിന്റെ നിലനില്‍പ്പിനു തന്നെ “കോഴ” ഒരു വിനയായി മാറാനാണ് സാധ്യത.