നാമം എക്സ്സെലെന്സ് അവാര്ഡ് 2014 അപേക്ഷകള് ക്ഷണിക്കുന്നു
വിനീത നായര് Published on 03 October, 2014
ന്യൂജേഴ്സി: പ്രമുഖ സാംസ്കാരിക സംഘടനയായ നാമം, ഡിസംബര് 13 ന് നടത്തുന്ന
അഞ്ചാം വാര്ഷികാഘോഷ പരിപാടികളോടനുബന്ധിച്ച് വിവിധ മേഖലകളില് മികവ്
തെളിയിച്ച പ്രഗത്ഭരായ അഞ്ചു പേരെ നാമം എക്സ്സെലെന്സ് അവാര്ഡുകള് നല്കി
ആദരിക്കും. പിസ്കാറ്റവേയിലുള്ള ദീവാന് ബാന്കറ്റ് ഹാളില് നടത്തുന്ന
വര്ണ്ണാഭമായ പരിപാടിയില് വെച്ചാണ് അവാര്ഡ് ദാനം.
തങ്ങളുടെ പ്രവര്ത്തന മേഖലകളില് അഭിമാനാര്ഹമായ നേട്ടങ്ങള്
കൈവരിക്കുകയും, സമൂഹത്തിന്റെ ഉന്നമനത്തിനായി പ്രവര്ത്തിക്കുകയും ചെയ്യുന്ന
വ്യക്തികളെ ആദരിക്കുന്നതില് സന്തോഷവും അഭിമാനവും ഉണ്ടെന്ന് നാമം
സ്ഥാപകനും പ്രസിഡന്റുമായ മാധവന് ബി നായര് പറഞ്ഞു.
വാര്ഷികാഘോഷ പരിപാടികളില് ഇന്ത്യന് സമൂഹത്തിലെ ഉന്നതരായ വ്യക്തികള്
പങ്കെടുക്കും. പ്രശസ്തര് നയിക്കുന്ന കലാവിരുന്ന് , കുട്ടികള്ക്ക്
വേണ്ടിയുള്ള പ്രത്യേക സജ്ജീകരണങ്ങള് , കാണികളെ പങ്കെടുപ്പിച്ചു കൊണ്ടുള്ള
ആകര്ഷകമായ പരിപാടികള്, വിഭവ സമൃദ്ധമായ ഡിന്നര് തുടങ്ങിയവ കൊണ്ട് അതീവ
ഹൃദ്യമായിരിക്കും അവാര്ഡ് നൈറ്റ് .
നാമം എക്സ്സെലെന്സ് അവാര്ഡിന് അപേക്ഷിക്കാന് താത്പര്യമുള്ളവരും
അവാര്ഡിനായി മറ്റുള്ളവരെ നോമിനേറ്റ് ചെയ്യുന്നവരും,namamnj@namam.org
എന്ന ഇമെയിലില് ബന്ധപ്പെട്ട് അപേക്ഷ ഫോം പൂരിപ്പിക്കേണ്ടതാണ് . http://namam.org/ എന്ന വെബ്സൈറ്റിലും വിശദാംശങ്ങള് ലഭ്യമാണ് . നവംബര്
15 ആണ് അപേക്ഷകള് അയക്കേണ്ട അവസാന തീയതി.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല