ഷിക്കാഗോ: റെസ്പിരേറ്ററി കെയര് പ്രാക്ടീഷണേഴ്സിന്റെ ലൈസന്സ്
പുതുക്കുന്നതിനാവശ്യമായ സി.ഇ.യുവിനായി മലയാളി അസോസിയേഷന് ഓഫ് റെസ്പിരേറ്ററി
കെയര് സംഘടിപ്പിക്കുന്ന അടുത്ത തുടര് വിദ്യാഭ്യാസ സെമിനാര് ഒക്ടോബര് 18-ന്
ശനിയാഴ്ച നടത്തപ്പെടുന്നതാണ്.
സ്കോക്കിയിലെ ഡബിള് ട്രീ ഹോട്ടലില്
വെച്ചാണ് ഈ സെമിനാര് നടത്തപ്പെടുന്നത്. (9599, സ്കോക്കി ബുള്വാഡ്, സ്കോക്കി,
ഇല്ലിനോയി 60007). രാവിലെ 7.30-ന് രജിസ്ട്രേഷനോടുകൂടി ആരംഭിക്കുന്ന സെമിനാര്
ഉച്ചകഴിഞ്ഞ് 2.30 വരെ തുടരുന്നതാണ്. റെസ്പിരേറ്ററി കെയര് പ്രൊഫഷണലുകളുടെ
തൊഴിലുമായി ഏറെ ബന്ധമുള്ള വിഷയങ്ങളെ ആസ്പദമാക്കി മെഡിക്കല് ഫീല്ഡിലെ മൂന്ന്
വിദഗ്ധര് ക്ലാസുകള് എടുക്കും. ഈ ക്ലാസില് പങ്കെടുക്കുന്നവര്ക്ക് 6 സി.ഇ.യു
ലഭിക്കുന്നതാണ്. www.marcillinois.org എന്ന വെബ്സൈറ്റിലൂടെ സെമിനാറിനുള്ള
രജിസ്ട്രേഷന് ഓണ്ലൈനായി ചെയ്യുവാന് കഴിയും.
രജിസ്ട്രേഷന് ഫീസ്
മാര്ക്ക് അംഗങ്ങള്ക്ക് 5 ഡോളറും അംഗത്വമില്ലാത്തവര്ക്ക് 35 ഡോളറുമാണ്.
ഇതില് ലഞ്ചും ഉള്പ്പെടും. കൂടുതല് വിവരങ്ങള്ക്ക്: റെജിമോന് ജേക്കബ് (847 877
6898), സനീഷ് ജോര്ജ് (224 616 0457) എന്നിവരുമായി ബന്ധപ്പെടുക.