ഹൂസ്റ്റണ്: ഒളിമ്പിക്ക് ട്രാക്ക് ആന്ഡ്
ഫീല്ഡ് മത്സരങ്ങളില് പത്തുതവണ വിജയകിരീടമണിഞ്ഞ (9 സ്വര്ണം, 1 വെള്ളി)
അമേരിക്കയുടെ കറുത്തമുത്ത് കാള് ലൂയിസ് ഹൂസ്റ്റണ് ട്രാക്ക് ആന്ഡ്
ഫീല്ഡ് കോച്ചിങ് സ്റ്റാഫില് അംഗമാകുന്നു. 2014 - 2015 സീസണില് പൂര്ണ്ണ
സമയ കോച്ചായി കാള് ലൂയിസ് ഉണ്ടായിരിക്കുമെന്ന് ഹെഡ് കോച്ച് ലിറോയ് ബറല്
സെപ്റ്റംബര് 1 തിങ്കളാഴ്ച പുറത്തിറക്കിയ ഒരു പ്രസ്താവനയില് പറയുന്നു.
കാള് ലൂയിസിനെ പൂര്ണ്ണ സമയ കോച്ചായി ലഭിച്ചതില് ഞാന് അഭിമാനിക്കുന്നു.
1992 ബാര്സിലോണ ഒളിമ്പിക്സില് 4*100 മീറ്റര് റിലേയില് കാള്
ലൂയിസിനോടൊപ്പം ടീമിലുണ്ടായിരുന്ന ഹെഡ് കോച്ച് ലിറോയ് പറഞ്ഞു.
1979 ല് ഹൂസ്റ്റണ് ട്രാക്ക് സ്ക്വാഡില് ടോം ടെല്ലസ് കോച്ചിന്റെ കീഴില്
അംഗമായി ചേര്ന്ന കാള് ലൂയിസ് അടുത്ത വര്ഷം 1980ല് അമേരിക്കന്
ലോങ്ജമ്പ്, 4*100 റിലേ ടീമില് അംഗമായി.
ലോക അത്ലറ്റിക്സില് ഐതിഹാസിക വിജയം കൈവരിച്ച കാള് ലൂയിസ് പത്ത്
ഒളിമ്പിക്ക് മെഡലുകള്ക്കും പത്ത് വേള്ഡ് ചാമ്പ്യന്ഷിപ്പ് മെഡലുകള്ക്കും
അര്ഹനായിട്ടുണ്ട്.
ബാര്സിലോണ ഒളിമ്പിക്സില് 4*100 മീറ്ററില് നിലവിലുണ്ടായിരുന്ന ലോക
റിക്കാര്ഡ് തകര്ത്ത ടീമിലെ അംഗമായിരുന്ന കാള് ലൂയിസും ലിറോയ് ബറലും
ഹൂസ്റ്റണ് ട്രാക്ക് ആന്റ് ഫീല്ഡ് കോച്ചിങ് സ്റ്റാഫില് ഒന്നിക്കുന്നതോടെ
ലോക അത്ലറ്റിക്സ് ഭൂപടത്തില് വീണ്ടും ചലനങ്ങള് സൃഷ്ടിക്കും.