ഹ്യൂസ്റ്റന്: ഹ്യൂസ്റ്റനിലെ സെന്റ് ജോസഫ്സ് സീറൊ മലബാര് കത്തോലിക്കാ ഇടവകയെ വിഭജിച്ചാണ് പെയര്ലാന്ഡില് നവംബര് 28, 2010ല് സെന്റ് മേരീസ് സീറൊ മലബാര് കത്തോലിക്കാ മിഷന് സ്ഥാപിതമായത്. ഇപ്പോള് താല്ക്കാലികമായി ഹ്യൂസ്റ്റനിലെ പാസഡീനയിലുള്ള സെന്റ് ഫ്രാന്സിസ് കബ്രീനി കത്തോലിക്കാ ദേവാലയത്തിലാണ് സെന്റ് മേരീസ് സീറൊ മലബാര് കത്തോലിക്കാ ദേവാലയത്തിനു വേണ്ടി തിരുകര്മ്മങ്ങള് നടത്തി വരുന്നത്. ഹ്യൂസ്റ്റനിലെ സെന്റ് ജോസഫ്സ് സീറൊ മലബാര് കത്തോലിക്കാ ഫൊറാന പള്ളി വികാരിയായ ഫാദര് സഖറിയാസ് തോട്ടുവേലിയാണ് പെയര്ലാന്ഡ് സെന്റ് മേരീസ് ദേവാലയത്തിന്റേയും വികാരി അച്ചനായി പ്രവര്ത്തിക്കുന്നത്.
ആഗസ്റ്റ് 24-ാം തീയത് ഞായറാഴ്ച ഉച്ചകഴിച്ച് 1.30 മുതല് ദേവാലയ മദ്ധ്യസ്ഥയായ പരിശുദ്ധ കന്യാമറിയത്തിന്റെ തിരുനാള് ഭക്ത്യാഡംബര പൂര്വ്വം ആഘോഷിക്കും. പാസഡീനയിലുള്ള സെന്റ് ഫ്രാന്സിസ് കബ്രീനി കത്തോലിക്കാ ദേവാലയത്തിലാണ് തിരുനാള്. ദേവമാതാവിന്റെ രൂപപ്രതിഷ്ഠ, ചെണ്ട വാദ്യമേളം, മുടി എഴുന്നള്ളിക്കല്, അടിമ വയ്ക്കല്, ആഘോഷമായ തിരുനാള് കുര്ബ്ബാന,ലദീഞ്ഞ്, ഭക്തി നിര്ഭരവും വര്ണ്ണപ്പകിട്ടാര്ന്നതുമായ പെരുന്നാള് പ്രദക്ഷിണം,
പൊതുയോഗം, സമ്മാനദാനം, ഗ്രാജുവേറ്റ്സിനെ ആദരിക്കല്, കലാപരിപാടികള് തുടര്ന്ന് വിഭവ സമൃദ്ധമായ തിരുനാള് സദ്യ എല്ലാം തിരുനാള് ചടങ്ങളുടെയും ഭാഗമാണ്. തിരുനാള് തിരുകര്മ്മങ്ങളില് പങ്കെടുത്ത് ദൈവാനുഗ്രഹം പ്രാപിക്കുവാന് ഇടവക വികാരി ഫാദര് സഖറിയാസ് തോട്ടുവേലിയും മറ്റ് പാരീസ് കൗണ്സില് അംഗങ്ങളും ഏവരേയും സ്വാഗതം ചെയ്തു