ഏകാന്തചിന്തകള് - ജി. പുത്തന്കുരിശ്
ജി. പുത്തന്കുരിശ് Published on 19 May, 2013
ആരും കാണില്ലല്ലോ തന്കണ്ണുനീര് കണങ്ങളെ
മാരിയില് കരഞ്ഞാലീ കോമാളിവേഷക്കാരന്
ഓര്ത്തുപോയ് ചാര്ലി ചാപ്ലിന് മൊഴിഞ്ഞാ സത്യത്തെ ഞാന്
പേര്ത്ത് ചിന്തിച്ചിരുന്നൂ ഘനത്ത വ്യഥയോടെ
കരകാണാതെ ഞാനും കൈകാലിട്ടടിക്കുമ്പോള്
കരയാറുണ്ടു ചില ഏകാന്ത നിമിഷത്തില്
അന്യന്റെ ദുഃഖം കാണാന് ആരുണ്ടീയവനിയില്
അന്യന്റെ ചുമലില് നാം ചവുട്ടി നിന്നീടുമ്പോള്
കുതിച്ചീടുന്നു മര്ത്ത്യന് പ്രകാശ വേഗതയില്
കുതികാല്വെട്ടി ചുറ്റും അധര്മ്മ കൊടിനാട്ടി
വേട്ടയാടീടുന്നവര് സ്ത്രീകളെ കുഞ്ഞുങ്ങളെ
കാട്ടിലെ മൃഗത്തെക്കാള് ഹീനമായി കഷ്ടം! കഷ്ടം!
അഹന്ത കൊടികുത്തി വാഴുമ്പോള് മനുജരില്
വിഹതി വിളയാടും സംസ്കൃതി ക്ഷയിച്ചിടും
കാരുണ്യം സഹജീവി സ്നേഹവും ബഹുമാനോം
പാരിനെ വിട്ടുപോയോ? കലിയിന് തേര്വാഴ്ചയോ?
ഉത്തരം കിട്ടാതെ ഞാന് ചിന്തിച്ചിരുന്നീടുമ്പോള്
മുത്തുമണികളായി കണ്ണുനീര് പൊഴിയുന്നു
ആ മണിമുത്തിനുള്ളില് കാണുന്നു പ്രതീക്ഷതന്
തൂമന്ദഹാസം വീശും ഭാവിതന് സുമങ്ങളെ.
മാരിയില് കരഞ്ഞാലീ കോമാളിവേഷക്കാരന്
ഓര്ത്തുപോയ് ചാര്ലി ചാപ്ലിന് മൊഴിഞ്ഞാ സത്യത്തെ ഞാന്
പേര്ത്ത് ചിന്തിച്ചിരുന്നൂ ഘനത്ത വ്യഥയോടെ
കരകാണാതെ ഞാനും കൈകാലിട്ടടിക്കുമ്പോള്
കരയാറുണ്ടു ചില ഏകാന്ത നിമിഷത്തില്
അന്യന്റെ ദുഃഖം കാണാന് ആരുണ്ടീയവനിയില്
അന്യന്റെ ചുമലില് നാം ചവുട്ടി നിന്നീടുമ്പോള്
കുതിച്ചീടുന്നു മര്ത്ത്യന് പ്രകാശ വേഗതയില്
കുതികാല്വെട്ടി ചുറ്റും അധര്മ്മ കൊടിനാട്ടി
വേട്ടയാടീടുന്നവര് സ്ത്രീകളെ കുഞ്ഞുങ്ങളെ
കാട്ടിലെ മൃഗത്തെക്കാള് ഹീനമായി കഷ്ടം! കഷ്ടം!
അഹന്ത കൊടികുത്തി വാഴുമ്പോള് മനുജരില്
വിഹതി വിളയാടും സംസ്കൃതി ക്ഷയിച്ചിടും
കാരുണ്യം സഹജീവി സ്നേഹവും ബഹുമാനോം
പാരിനെ വിട്ടുപോയോ? കലിയിന് തേര്വാഴ്ചയോ?
ഉത്തരം കിട്ടാതെ ഞാന് ചിന്തിച്ചിരുന്നീടുമ്പോള്
മുത്തുമണികളായി കണ്ണുനീര് പൊഴിയുന്നു
ആ മണിമുത്തിനുള്ളില് കാണുന്നു പ്രതീക്ഷതന്
തൂമന്ദഹാസം വീശും ഭാവിതന് സുമങ്ങളെ.
Facebook Comments
Leave A Reply
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala