Image

ബീഫ്‌ വിറ്റുവെന്ന്‌ ആരോപണം; ജാര്‍ഖണ്ഡില്‍ യുവാവിനെ ആള്‍ക്കൂട്ടം മര്‍ദ്ദിച്ച്‌ കൊലപ്പെടുത്തി

Published on 23 September, 2019
ബീഫ്‌ വിറ്റുവെന്ന്‌ ആരോപണം; ജാര്‍ഖണ്ഡില്‍ യുവാവിനെ ആള്‍ക്കൂട്ടം മര്‍ദ്ദിച്ച്‌ കൊലപ്പെടുത്തി

ബീഫ്‌ വിറ്റുവെന്നാരോപിച്ച്‌ യുവാവിനെ ആള്‍ക്കൂട്ടം മര്‍ദ്ദിച്ച്‌ കൊലപ്പെടുത്തി. ഞായറാഴ്‌ച ഝാര്‍ഖണ്ഡിലെ ഖുന്ദി ജില്ലയിലാണ്‌ സംഭവം. കലീം ബര്‍ല എന്ന 34-കാരനാണ്‌ കൊല്ലപ്പെട്ടത്‌.

ആക്രമണത്തില്‍ മറ്റ്‌ രണ്ട്‌ പേര്‍ക്ക്‌ കൂടി പരിക്കേറ്റിട്ടുണ്ട്‌. സംഭവത്തില്‍ അഞ്ചുപേരെ പൊലീസ്‌ അറസ്റ്റ്‌ ചെയ്‌തതായി ദേശീയമാധ്യമങ്ങള്‍ റിപ്പോര്‍ട്ട്‌ ചെയ്‌തു.


രാവിലെ 10 മണിയോടെ നിരോധിക്കപ്പെട്ട മാംസം വിറ്റ യുവാവിനെപ്രദേശവാസികളില്‍ ചിലര്‍ മര്‍ദ്ദിച്ചതായി ചൂണ്ടിക്കാട്ടി കറ പൊലീസ്‌ സ്റ്റേഷനിലേക്ക്‌ ഫോണ്‍ സന്ദേശം ലഭിക്കുകയായിരുന്നെന്ന്‌ ഡിആജി എ.വി. ഹോംകാര്‍ മാധ്യമപ്രവര്‍ത്തകരോട്‌ പറഞ്ഞു.

പരിക്കേറ്റ മൂന്ന്‌ പേരെ റാഞ്ചിയിലെ രാജേന്ദ്ര ഇന്‍സ്റ്റിറ്റിയൂട്ട്‌ ഒഫ്‌ മെഡിക്കല്‍ സയന്‍സസില്‍ പ്രവേശിപ്പിച്ചെങ്കിലും ഇതില്‍ ഒരാള്‍ മരിക്കുകയായിരുന്നു.


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക