ഇംപീച്ച്‌മെന്റ് തല്‍ക്കാലം പരിഗണനയിലില്ലെന്ന് സ്പീക്കര്‍ നാന്‍സി പെലോസി (ഏബ്രഹാം തോമസ്)
ഏബ്രഹാം തോമസ് Published on 26 July, 2019
രണ്ട് ദിവസത്തെ സ്‌പെഷ്യല്‍ പ്രോസിക്യൂട്ടറും മുന്‍ എഫ്ബിഐ ഡയറക്ടറുമായ റോബര്‍ട്ട് മുള്ളറുടെ വിചാരണയ്ക്കു ശേഷം ചില ഡെമോക്രാറ്റിക് കോണ്‍ഗ്രസംഗങ്ങള്‍ പ്രസിഡന്റ് ഡോണള്‍ഡ് ട്രമ്പിനെ ഇംപീച്ച് ചെയ്യണമെന്ന തങ്ങളുടെ ആവശ്യം ശക്തമാക്കി. എന്നാല്‍ അവരുടെ നേതാവും ഹൗസ് സ്പീക്കറുമായ നാന്‍സി പെലോസി ഇംപീച്ച്‌മെന്റ് തല്‍ക്കാലം പരിഗണനയിലില്ലെന്ന് പ്രഖ്യാപിച്ചു.
ഇത് ഒരു വലിയ രാഷ്ട്രീയ തന്ത്രമാണ്. അടുത്ത വര്‍ഷം നടക്കുന്ന തിരഞ്ഞെടുപ്പില്‍ മുള്ളര്‍ റിപ്പോര്‍ട്ടിലെ ട്രമ്പിന്റെ തെറ്റുകുറ്റങ്ങളുടെ ആരോപണങ്ങള്‍ പ്രധാന പ്രചരണ ആയുധങ്ങളായിക്കി മാറ്റാം. മറിച്ച് ഇംപീച്ച് മെന്റ് ശ്രമവുമായി മുന്നോട്ട് പോയാല്‍ ഡെമോക്രാറ്റിക് പാര്‍ട്ടി വലിയ പ്രതിരോധത്തിലാവും. വോട്ടര്‍മാരോട് ഈ നീക്കം വിശദീകരിക്കേണ്ടിവരും. ട്രമ്പും റിപ്പബ്ലിക്കന്‍ പാര്‍ട്ടിയും വിക്ടിമൈസേഷന് വിധേയരായവരായ സ്വയം പ്രഖ്യാപിച്ച് സഹതാപ വോട്ടുകള്‍ നേടാനും സാധ്യതയുണ്ട്.
മുള്ളറുടെ വിചാരണയില്‍ ഡിപ്പാര്‍ട്ട്‌മെന്റ് ഓഫ് ജസ്റ്റീസ് (ഡിഓജെ) മാര്‍ഗ നിര്‍ദേശങ്ങള്‍ അനുസരിച്ചാണ് താന്‍ പ്രസിഡന്റിനെ കുറ്റക്കാരനായി പ്രഖ്യാപിക്കാതിരുന്നത് എന്ന് മുള്ളര്‍ പറഞ്ഞു. തുടര്‍ന്ന് ഡെമോക്രാറ്റിക് അംഗങ്ങളുടെ ചോദ്യങ്ങള്‍ക്ക് മറുപടിയായി തന്റെ അന്വേഷണസംഘം പ്രസിഡന്റ് ഒരു കുറ്റം ചെയ്തു എന്ന അന്തിമ നിര്‍ണ്ണയത്തില്‍ എത്തിയില്ല എന്ന് പറഞ്ഞു. തന്റെ 448 പേജ് റിപ്പോര്‍ട്ടിന് അപ്പുറം ഒന്നും തന്നെ മുള്ളര്‍ വെളിപ്പെടുത്തിയില്ല. റിപ്പോര്‍ട്ടിലെ പ്രസക്തഭാഗങ്ങള്‍ പോലും വായിക്കുവാന്‍ തയ്യാറായില്ല. ഡെമോക്രാറ്റുകളാണ് റിപ്പോര്‍ട്ടിലെ ഭാഗങ്ങള്‍ കൂടുതലും ഉദ്ധരിച്ചത്.
തന്റെ അന്വേഷണം ഒരു വിച്ച് ഹണ്ട് (എതിരാളിയെ താറടിച്ച് കാണിക്കുവാനുള്ള ബോധപൂര്‍വമായ ശ്രമം) ആണെന്ന ട്രമ്പിന്റെ ആവര്‍ത്തിച്ചുള്ള ആരോപണം മുള്ളര്‍ നിഷേധിച്ചു. റിപ്പോര്‍ട്ടിന്റെ പരിശുദ്ധി കാത്തുസൂക്ഷിക്കുവാന്‍ താനും തന്റെ സംഘവും ധാരാളം സമയം ചെലവഴിച്ചതായി മുള്ളര്‍ പറഞ്ഞു എന്നാല്‍ എന്താണ് അമേരിക്കന്‍ ജനങ്ങള്‍ക്ക് അന്വേഷണത്തില്‍ നിന്നും റിപ്പോര്‍്ടടില്‍ നിന്നും ലഭിച്ചത് എന്ന ചോദ്യത്തിന് വ്യക്തമായ ഉത്തരം മുള്ളര്‍ നല്‍കിയില്ല. പ്രസിഡന്റിന്റെ പെരുമാറ്റ ദൂഷ്യത്തിന് നടപടി സ്വീകരിക്കുവാന്‍ കോണ്‍ഗ്രസിനോട് ആവശ്യപ്പെടുന്നതായി റിപ്പോര്‍ട്ട് കണക്കാക്കാമോ എന്ന് അല്‍പാസോയില്‍ നിന്നുള്ള പ്രതിനിധി വെറോണിക്ക എസ്‌കോബാര്‍ ചോദിച്ചുവെങ്കിലും മുള്ളര്‍ മറുപടി നല്‍കിയില്ല. പെരുമാറ്റദൂഷ്യത്തെ നേരിടാന്‍ ഭരണഘടനയില്‍ നടപടിക്രമങ്ങളുണ്ട് എന്ന് മുള്ളര്‍ പറഞ്ഞു. ഈ നടപടിക്രമങ്ങളില്‍ ഒന്ന് ഇംപീച്ച്‌മെന്റാണോ എന്ന ചോദ്യത്തിന് മുള്ളര്‍ക്ക് മറുപടി ഉണ്ടായിരുന്നില്ല. ഇംപീച്ചമെന്റ് ആവശ്യപ്പെടുന്ന ഡെമോക്രാറ്റുകള്‍ തങ്ങളുടെ മുറവിളി ഉച്ചത്തിലാക്കാന്‍ സഹായിക്കുന്ന ഒരു മാധ്യമ നിമിഷം മുള്ളര്‍ സംഭാവന ചെയ്യുമെന്ന് പ്രതീക്ഷിച്ചു. പക്ഷെ അതുണ്ടായില്ല. ഇംപീച്ച്‌മെന്റ് വാദികള്‍ക്ക് പുതിയതായി ആരുടെയും പിന്‍ബലം ലഭിച്ചില്ല.
മുള്ളര്‍ വിചാരണ പൊതുജനങ്ങളില്‍ ഇംപീച്ച്‌മെന്റ് വാദത്തിന് വലിയ അനുകൂല ചലനം സൃ്ഷ്ടിക്കുവാന്‍ കഴിയും എന്ന പ്രതീക്ഷയ്ക്ക് മങ്ങലേറ്റു. ഒരു ഇംപീച്ച്‌മെന്റ് അന്വേഷണം ഇപ്പോഴും പൊതുജനം അനുകൂലിക്കുന്നില്ല. ദിവസങ്ങളില്‍ക്കുള്ളില്‍ ഒഴിവുകാലം ആസ്വദിക്കുവാന്‍ നിയമസഭാ സമാജികര്‍ വാഷിംഗ്ടണ്‍ ഡിസി വിടുകയാണ്. ഫാള്‍ വരെ ഇംപീച്ച്‌മെന്റ് സംസാരത്തിന് തന്നെ ഒരു ബ്രേക്ക് ആയിരിക്കും. അതിന് ശേഷം രാഷ്ട്രീയം ചൂട് പിടിക്കുക 2020 ലെ പ്രൈമറി തിരഞ്ഞെടുപ്പുകളുമായിട്ടായിരിക്കും.
രണ്ട് ഡസന്‍ തവണ സമൂഹമാധ്യമത്തില്‍ തന്റെ പ്രതികരണം അറിയിച്ച പ്രസിഡന്റ് ഇംപീച്ച്‌മെന്റ് ഓവര്‍ എന്ന് പ്രഖ്യാപിച്ചു. സത്യം പ്രകൃതിയുടെ ഒരു ശക്തിയാണെന്ന് കൂട്ടിച്ചേര്‍ത്തു. മാധ്യമ പ്രവര്‍ത്തകരുടെയും ക്യാമറകളുടെയും മുന്നില്‍ വൈറ്റ് ഹൗസിന്റെ പുല്‍ത്തകിടിയില്‍ നടന്ന് അത് അവസാനിച്ചു എന്ന് പ്രഖ്യാപിച്ചു.
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala
“Trump’s only major legislative achievement so far is the 2017 Tax Cut and Jobs Act. The core of that bill was a sharp reduction in corporate tax rates, which has led to a drastic fall in tax revenues, on the order of $140 billion over the past year.”
“shareholders, who have received increased dividends and seen a lot of capital gains as corporations use their windfall not to invest, but to buy back their own stocks. And a big share of these gains to shareholders has gone to foreigners.”
Pointing out the global economy that exists now “in which wealthy investors normally own assets in many countries,” Krugman pointed out that “Overall, foreigners own about 35 percent of the equity in corporations subject to U.S. taxes. And as a result, foreign investors have received around 35 percent of the benefits of the tax cut. As I said, that’s more than $40 billion a year.”
He continues: “Trump’s giveaway to foreign investors isn’t probably going to make or break us,” he wrote. “Still, even in America, $40 billion here, $40 billion there, and eventually you’re talking about real money. Furthermore, it does seem worth pointing out that even as Trump boasts about taking money away from foreigners, his actual policies are doing exactly the opposite.”