ന്യൂഡല്‍ഹി: രാഹുല്‍ ഗാന്ധിയുടെ ജന്മദിനത്തില്‍ ആശംസകളറിയിച്ച്‌ നരേന്ദ്ര മോദി. ആയുരാരോഗ്യ സൗഖ്യങ്ങള്‍ നേര്‍ന്നുകൊണ്ട്‌ ട്വിറ്ററിലൂടെയാണ്‌ പ്രധാന മന്ത്രി ആശംസ അറിയിച്ചത്‌.

സമൂഹ മാധ്യമങ്ങളില്‍ രാഹുല്‍ ഗാന്ധിക്ക്‌ ആശംസകള്‍ അറിയിച്ചുകൊണ്ട്‌ പാര്‍ട്ടി പ്രവര്‍ത്തകരും സുഹൃത്തുക്കളുമുള്‍പ്പെടെ നിരവധിപേരാണ്‌ രംഗത്തു വന്നിരിക്കുന്നത്‌. പ്രധാനമന്ത്രിയുള്‍പെടെ തനിക്ക്‌ ആശംസകള്‍ നേര്‍ന്ന എല്ലാവര്‍ക്കും നന്ദിയറിയിച്ച്‌ രാഹുലിന്റെ മറുപടിയുമുണ്ട്‌ ട്വിറ്ററില്‍.