കാസര്‍ഗോഡ്: യൂത്ത് കോണ്‍ഗ്രസ് പ്രവര്‍ത്തകരെ വെട്ടിക്കൊന്ന സംഭവത്തെ അപലപിച്ച് സാമൂഹ്യ പ്രവര്‍ത്തക ദയാബായി. കാസര്‍ഗോഡ് നടന്നത് അതിദാരുണമായ കൊലപാതകമാണ്. ഒരാളെ 18 വെട്ട് വെട്ടി എങ്ങനെ കൊല്ലാന്‍ കഴിയുന്നുവെന്നും ദയാബായി ചോദിച്ചു.

രാഷ്ട്രീയ പാര്‍ട്ടികള്‍ സമൂഹത്തില്‍ വെറുപ്പ് വളര്‍ത്തുകയാണ് ചെയ്യുന്നത്. അതിനാല്‍ എല്ലാ രാഷ്ട്രീയ പാര്‍ട്ടികള്‍ക്കും കൊലപാതകങ്ങളില്‍ ഉത്തരവാദിത്തമുണ്ട്. കേരളത്തില്‍ മാനുഷിക മൂല്യങ്ങള്‍ തകര്‍ന്നുവെന്നാണ് ഇത്തരം സംഭവങ്ങള്‍ തെളിയിക്കുന്നതെന്നും ദയാബായി ആലുവയില്‍ പറഞ്ഞു.