ഭക്ത കേരള പടയൊരുക്കങ്ങള്‍ ? (കവിത: ജയന്‍ വര്‍ഗീസ്)
Published on 16 November, 2018
മത്തായീം, മമ്മതും, ഗോപനും, ലാമയും
ദൂരെയൊരു യാത്ര പോയി?
ദാഹിച്ചു തൊണ്ട വരണ്ടവര്‍ ചാരത്തോ
രാറിന്റെ തീരത്തി ലെത്തി?
മത്തായി കുപ്പിയെടുത്തത് മഞ്ഞയാ
ക്കുപ്പിയിലെ ജലം മഞ്ഞ ?
മമ്മത് തപ്പിയെടുത്തത് പച്ചയാ
ക്കുപ്പിയിലെ ജലം പച്ച ?
കോവാലന്‍ കോരിയെടുത്തോരു കുപ്പിയോ
കാവി, ജലമതില്‍ കാവി ?
ലാമയോ ചാര നിറമുള്ള കുപ്പിയില്‍
കോരി നിറച്ചത് ചാര ?
ആറിലെ വെള്ള മിതൊന്നുമേയല്ലാതെ
വേറേ യൊരു വെറും വെള്ളം ?
തങ്ങളില്‍, തങ്ങളില്‍ തര്‍ക്കിച്ചു നമ്മളില്‍
നല്ല ജലമാര്‍ക്കു കിട്ടി ?
എന്റെയാ, ണെന്റെയാ ണെന്നവര്‍ കോപിച്ചു
തല്ലിയപരന്റെ കുപ്പി ?
മഞ്ഞയും,പച്ചയും, കാവിയും ചാരയു
മേതുമേയല്ലാത്ത വെള്ളം !
ഒന്നാണൊരു നിറ, മൊന്നും കലരാതെ
യൊന്നിച്ചൊഴുകിപ്പരന്നു.!
പുണ്യമാ, ണീജലം പുണ്യം ! പ്രപഞ്ചത്തി
ന്നുണ്മ, ദൈവത്തിന്റെ നന്മ !
ദൂരെയൊരു യാത്ര പോയി?
ദാഹിച്ചു തൊണ്ട വരണ്ടവര്‍ ചാരത്തോ
രാറിന്റെ തീരത്തി ലെത്തി?
മത്തായി കുപ്പിയെടുത്തത് മഞ്ഞയാ
ക്കുപ്പിയിലെ ജലം മഞ്ഞ ?
മമ്മത് തപ്പിയെടുത്തത് പച്ചയാ
ക്കുപ്പിയിലെ ജലം പച്ച ?
കോവാലന്‍ കോരിയെടുത്തോരു കുപ്പിയോ
കാവി, ജലമതില്‍ കാവി ?
ലാമയോ ചാര നിറമുള്ള കുപ്പിയില്‍
കോരി നിറച്ചത് ചാര ?
ആറിലെ വെള്ള മിതൊന്നുമേയല്ലാതെ
വേറേ യൊരു വെറും വെള്ളം ?
തങ്ങളില്‍, തങ്ങളില്‍ തര്‍ക്കിച്ചു നമ്മളില്‍
നല്ല ജലമാര്‍ക്കു കിട്ടി ?
എന്റെയാ, ണെന്റെയാ ണെന്നവര്‍ കോപിച്ചു
തല്ലിയപരന്റെ കുപ്പി ?
മഞ്ഞയും,പച്ചയും, കാവിയും ചാരയു
മേതുമേയല്ലാത്ത വെള്ളം !
ഒന്നാണൊരു നിറ, മൊന്നും കലരാതെ
യൊന്നിച്ചൊഴുകിപ്പരന്നു.!
പുണ്യമാ, ണീജലം പുണ്യം ! പ്രപഞ്ചത്തി
ന്നുണ്മ, ദൈവത്തിന്റെ നന്മ !
Facebook Comments
Comments
amerikkan mollakka 2018-11-16 13:58:33
ജയൻ സാഹിബേ ഇങ്ങള് പുതിയ കുപ്പിയിൽ പഴയ
വീഞ്ഞ് വിളമ്പുന്നു. ഈ കുപ്പീടെ നിറങ്ങളും
നിറമില്ലാത്ത വെള്ളവുമൊക്കെ എല്ലാബർക്കും അറിയാം.
ഞമ്മള് ഇന്ത്യക്കാര് ആ കുപ്പികൾ ഇബടെ കൊണ്ടുവന്നു
ചിലരെയൊക്കെ കുപ്പിയിൽ ഇറക്കാൻ നോക്കുന്നു. ഇമ്മടെ
ആൻഡ്രുസ് സാഹിബ് ഉള്ളതുകൊണ്ട് കുപ്പികൾ ബല്യ
മുസീബത്തിലാണ്. ഒരു മാതു അവൾക്കുള്ള കുപ്പിയാണ്
നല്ല കുപ്പിയെന്നു പറയുന്നു. ആൻഡ്രുസ് സാഹിബിന്റെ
അടുത്ത് ആ അടവൊന്നും നടക്കില്ല. ജയൻ സാഹിബ് ഇങ്ങള്
പുതിയ ആശയങ്ങൾ കൊണ്ട് ബരുക . അപ്പോൾ
പടച്ചോൻ ഇങ്ങൾക്ക് കൃപ തരട്ടെ അസ്സലാമു അലൈക്കും.
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala