Image

ദിലീപ്‌ അവസരങ്ങള്‍ തട്ടിമാറ്റിയിട്ടുണ്ടെന്ന്‌ നടി പറഞ്ഞിരുന്നുവെന്ന്‌ സിദ്ദിഖിന്റെ മൊഴി

Published on 16 October, 2018
ദിലീപ്‌ അവസരങ്ങള്‍ തട്ടിമാറ്റിയിട്ടുണ്ടെന്ന്‌ നടി പറഞ്ഞിരുന്നുവെന്ന്‌ സിദ്ദിഖിന്റെ മൊഴി


കൊച്ചി: ദിലീപിനെതിരായ ആരോപണം സ്ഥിരീകരിച്ച്‌ സിദ്ദിഖിന്റെ മൊഴി. ദിലീപ്‌ അവസരങ്ങള്‍ തട്ടിമാറ്റിയിട്ടുണ്ടെന്ന്‌ നടി തന്നോട്‌ പരാതി പറഞ്ഞിട്ടുണ്ടെന്നും ഇക്കാര്യം താന്‍ ദിലീപിനോട്‌ ചോദിച്ചിട്ടുമുണ്ടെന്ന്‌ സിദ്ദിഖ്‌ പറഞ്ഞു. വ്യക്തിപരമായ കാര്യമാണെന്നും ഇതില്‍ ഇക്ക ഇടപെടേണ്ടന്നുമാണ്‌ ദിലീപ്‌ പറഞ്ഞതെന്നും സിദ്ദിഖ്‌ വ്യക്തമാക്കി.

അതേസമയം, നടിയെ ആക്രമിച്ച കേസില്‍ ദിലീപിനെതിരെ നടപടിയെടുക്കേണ്ടെന്നത്‌ അമ്മ ജനറല്‍ ബോഡി മീറ്റിംഗ്‌ തീരുമാനമായിരുന്നു എന്ന്‌ സിദ്ദിഖ്‌ കഴിഞ്ഞ ദിവസം പറഞ്ഞിരുന്നു.

ആരുടെയും ജോലി സാധ്യത കളയുന്ന സംഘടനയല്ല അമ്മ. ദിലീപ്‌ രാജിക്കത്ത്‌ നല്‍കിയത്‌ ശരിതന്നെ. എന്നാല്‍ കുറ്റാരോപിതനാണെന്ന്‌ തെളിഞ്ഞാല്‍ മാത്രം നടപടിയെടുത്താല്‍ മതിയെന്നായിരുന്നു ജനറല്‍ ബോഡി തീരുമാനം. എക്‌സിക്യൂട്ടീവിന്‌ ഈ തീരുമാനത്തെ മറികടക്കാനാകില്ല. രാജി വച്ച്‌ പോയ നടിമാരെ തിരിച്ചെടുക്കാന്‍ സാധിക്കില്ല. തിരികെ വരണമെങ്കില്‍ അവര്‍ അപേക്ഷിക്കണം.

സംഘടനയ്‌ക്കെതിരെ ആരോപണങ്ങള്‍ ഉന്നയിച്ച നടി ജനറല്‍ ബോഡി മീറ്റിംഗില്‍ പങ്കെടുക്കാറില്ലെന്നും സിദ്ദിഖ്‌ ആരോപിച്ചിരുന്നു.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക