ന്യൂയോര്‍ക്ക്:സ്റ്റാറ്റന്‍ ഐലന്‍ഡ് സ്‌ട്രൈക്കേഴ്‌സിന്റെ
 നാലാമത് ഓണാഘോഷം ഈ ശനിയാഴ്ച (August 18) രാവിലെ 11:30  മുതല്‍ സ്റ്റാറ്റന്‍ ഐലന്‍ഡ് വെച്ച് നടത്തപ്പെടുന്നു.

നാട്ടിലെ ഓണാഘോഷം പോലെ തന്നെ ഓണക്കളികളും സദ്യയുമാണ് ഈ പ്രവാസികളുടെ   ഓണാഘോഷത്തെ വ്യത്യസ്തമാക്കുന്നത്. ഓണത്തിന്  വേണ്ടി വലിയൊരു മൈതാനം തന്നെ  ഒരുങ്ങി കഴിഞ്ഞു.

അമേരിക്കയിലെ പുതു തലമുറയ്ക്ക് നമ്മുടെ ഓണത്തിന്റെ ഐതിഹ്യങ്ങളും , തനിമയും,പൈതൃകവും  അറിയിക്കുകയും കൂടെ  വടംവലി ,ഉറിയടി,കണ്ണുകെട്ടി കലമടി അങ്ങനെ ഒരുപാട്   നാടന്‍ കളികള്‍ ഇവിടുത്തെ പുതിയ തലമുറയില്‍ എത്തിക്കാനും ഇതിലൂടെ കഴിഞ്ഞ മൂന്നു വര്‍ഷങ്ങളായി സ്റ്റാറ്റന്‍ ഐലന്‍ഡ് സ്‌െ്രെടക്കേഴ്‌സിന്  കഴിഞ്ഞു.

മലയാളികളെ കൂടാതെ മറ്റു രാജ്യക്കാരും ഇവോരോടൊപ്പം ഓണം കൂടുവാന്‍ എത്താറുണ്ട്, ഈ  ചെറിയ ഓണാഘോഷത്തെ ഒരു നാടിന്റെ തന്നെ ഉത്സവമാക്കിക്കിമാറ്റാന്‍ നല്ലവരായ എല്ലാ സ്‌നേഹിതരെയും ക്ഷണിക്കുന്നതായി സ്റ്റാറ്റന്‍ ഐലന്‍ഡ് സ്‌ട്രൈക്കേഴ്‌സ് അറിയിച്ചു .

പഴയകളികളുടെ സ്ഥാനത്ത് ഫുട്‌ബോളും ക്രിക്കറ്റുമെല്ലാം സ്ഥാനം പിടിച്ചെങ്കിലും പഴമ വിളിച്ചോതുന്ന വിരലിലെണ്ണാവുന്ന ഓണക്കളികള്‍ക്ക് ഇന്നും  ആരവങ്ങള്‍ ഉയര്‍ത്താന്‍ ആളുകള്‍ മുന്നിലാണ്