Image

ഉന്നാവോ ബലാത്സംഗക്കേസ്‌; ബി.ജെ.പി എം.എല്‍.എയ്‌ക്കെതിരെ സി.ബി.ഐ കുറ്റപത്രം

Published on 12 July, 2018
 ഉന്നാവോ ബലാത്സംഗക്കേസ്‌; ബി.ജെ.പി എം.എല്‍.എയ്‌ക്കെതിരെ സി.ബി.ഐ കുറ്റപത്രം


ന്യൂദല്‍ഹി: ഉന്നാവോ ബലാത്സംഗക്കേസില്‍ ബി.ജെ.പി എം.എല്‍.എ കുല്‍ദീപ്‌ സെനഗറിനെതിരെ സി.ബി.ഐ കുറ്റപത്രം സമര്‍പ്പിച്ചു. പോക്‌സോ നിയമപ്രകാരമുള്ള വകുപ്പുകള്‍ കൂടിച്ചേര്‍ത്താണ്‌ ബലാത്സംഗക്കേസില്‍ എം.എല്‍.എയ്‌ക്കെതിരെ കുറ്റപത്രം സമര്‍പ്പിച്ചിരിക്കുന്നത്‌. കേസില്‍ സി.ബി.ഐ സമര്‍പ്പിക്കുന്ന രണ്ടാമത്തെ കുറ്റപത്രമാണിത്‌.

2017 ജൂണ്‍ നാലിനാണ്‌ കേസിനാസ്‌പദമായ സംഭവം നടന്നത്‌. ജോലി അഭ്യര്‍ത്ഥിച്ച്‌ ബന്ധുവിനൊപ്പം എം.എല്‍.എയുടെ വീട്ടിലെത്തിയ 17കാരിയായ പെണ്‍കുട്ടിയെ കുല്‍ദീപ്‌ സെനഗര്‍ ബലാത്സംഗം ചെയ്‌തെന്നായിരുന്നു പരാതി. എം.എല്‍.എയ്‌ക്കെതിരെ പെണ്‍കുട്ടി പൊലീസില്‍ പരാതി നല്‍കിയെങ്കിലും നടപടികളൊന്നുമുണ്ടായില്ല.

തുടര്‍ന്ന്‌ പെണ്‍കുട്ടിയും പിതാവും എം.എല്‍.എയുടെ വീട്ടിലെത്തി ആത്മഹത്യക്ക്‌ ശ്രമിച്ചു. ഇതോടെ സംഭവം രാജ്യ ശ്രദ്ധയിലെത്തുകയായിരുന്നു. വ്യാപക പ്രതിഷേധമുയര്‍ന്നതോടെ കേസ്‌ സി.ബി.ഐയ്‌ക്കു കൈമാറുകയായിരുന്നു.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക