ഫോമ ഇലക്ഷന് ചൂടുപിടിക്കുമ്പോള് ചിത്രം വ്യക്തമായിട്ടില്ലെങ്കിലും പ്രാദേശികവാദത്തിനും പ്രസക്തിയേറുന്നു. ന്യൂയോര്ക്ക് വേണോ, ഡാളസ് വേണോ എന്നതാണ് ഇപ്പോള് ചൂടുള്ള ചര്ച്ചാവിഷയം
ഇക്കാര്യത്തില് സ്ഥാനാര്ത്ഥികള് നിലപാട് വ്യക്തമാക്കണമെന്ന് ന്യൂയോര്ക്കില് നിന്നുള്ള പ്രസിഡന്റ് സ്ഥാനാര്ത്ഥി ജോണ് സി. വര്ഗീസ് ആവശ്യപ്പെട്ടുവെങ്കിലും മിക്കവരും തന്ത്രപരമായ നിശബ്ദത പാലിക്കുന്നു. ന്യൂയോര്ക്ക് കണ്വന്ഷനെ അനുകൂലിച്ച് രംഗത്തുള്ളത് ട്രഷറര് സ്ഥാനാര്ത്ഥി ഷിനു ജോസഫും, മേരിലാന്റില് നിന്നുള്ള ജനറല് സെക്രട്ടറി സ്ഥാനാര്ത്ഥി മാത്യു വര്ഗീസുമാണ്.
ന്യൂയോര്ക്കില് നിന്നു തന്നെയുള്ള ജനറല് സെക്രട്ടറി സ്ഥാനാര്ത്ഥി ജോസ് ഏബ്രഹാം, ജോ. സെക്രട്ടറി സ്ഥാനാര്ത്ഥി രേഖാ നായര്, വൈസ് പ്രസിഡന്റ് സ്ഥാനാര്ത്ഥി ഫിലിപ്പ് ചെറിയാന് എന്നിവര് പ്രത്യേക നിലപാടൊന്നും പറഞ്ഞിട്ടില്ല. ന്യൂജേഴ്സിയില് നിന്ന് വൈസ് പ്രസിഡന്റ് സ്ഥാനാര്ത്ഥി അന്നമ്മ മാപ്പിളശേരിയുമുണ്ട്.
ടെക്സസിലെ സംഘടനകളില് ഡാളസ് കണ്വന്ഷന് വേണമെന്ന ചിന്താഗതിയുണ്ടെന്ന് അവിടെനിന്നുള്ള നേതാക്കള് പറയുന്നു. 1996-ലാണ് ഡാളസില് ഇതിനു മുമ്പ് അവിഭക്ത ഫൊക്കാന കണ്വന്ഷന് നടന്നത്. എന്നാല് ഫോമയുടെ സ്ഥാപക സമ്മേളനം പ്രസിഡന്റ് ശശിധരന് നായരുടെ നേതൃത്വത്തില് 2008-ല് ഹൂസ്റ്റണിലാണ് നടന്നത്. 2012-ല് ന്യൂയോര്ക്കില് നിന്നുള്ള ബേബി ഊരാളില് പ്രസിഡന്റായി നടത്തിയ കണ്വന്ഷന് കപ്പലിലായിരുന്നതിനാല് അതിനെ ന്യൂയോര്ക്ക് കണ്വന്ഷനായി വിലയിരുത്താനാവില്ലെന്നാണ് ന്യൂയോര്ക്ക് അനുകൂലികള് ചൂണ്ടിക്കാട്ടുന്നത്. അങ്ങനെയെങ്കില് 1998-ലെ റോച്ചസ്റ്റര് ഫൊക്കാന കണ്വന്ഷനു ശേഷം ന്യൂയോര്ക്കിലും കണ്വന്ഷന് ഉണ്ടായിട്ടില്ല.
ചുരുക്കത്തില് സ്ഥലത്തിന്റെ അര്ഹത നോക്കുമ്പോള് ഡാളസിനും ന്യൂയോര്ക്കിനും തുല്യ പരിഗണന നല്കാം.
പാനലില്ലെന്നാണ് സ്ഥാനാര്ത്ഥികള് പറയുന്നത്. പക്ഷെ സൂക്ഷ്മമായി നോക്കുന്നയാള്ക്ക് പാനല് സുവ്യക്തം. ആകെ ഒരു പാനലിലും ഇല്ലാതെ നില്ക്കുന്നത് വൈസ് പ്രസിഡന്റ് സ്ഥാനാര്ത്ഥി ഫിലിപ്പ് ചെറിയാന് മാത്രം.
ഒരു പാനലിലും ഉള്പ്പെടുന്നില്ലെന്നു ആദ്യം മുതല് വ്യക്തമാക്കിയത് ജനറല് സെക്രട്ടറി സ്ഥാനാര്ത്ഥി ജോസ് ഏബ്രഹാമാണ്. എന്നാല് ന്യൂയോര്ക്ക് കണ്വന്ഷനെ അനുകൂലിച്ച് മറ്റൊരു ജനറല് സെക്രട്ടറി സ്ഥാനാര്ത്ഥി വരുമ്പോള് ജോസ് ഏബ്രഹാമിന്റെ നിലപാടിനും പ്രസക്തിയേറുന്നു. ഒരു നിലപാട് എടുക്കേണ്ട സ്ഥിതിയും വരുന്നു.
(തുടരും....)
നിങ്ങളുടെ അഭിപ്രായങ്ങള് ക്ഷണിക്കുന്നു. വ്യക്തിപരമായ ആക്ഷേപങ്ങളും ആരോപണങ്ങളും ഒഴിവാക്കുക
എന്നിട്ടും ഒരാള്, അതും പൊതുവില് സമ്മതനായ ഒരാള്, നില്ക്കുന്ന സ്ഥാനത്തെക്ക് മല്സരവുമായി വന്നത് ശരിയായില്ല. ചിലരുടെ പൊളിറ്റിക്സ് കളിക്ക് ് രേഖയെപ്പോലൊരാള് നിന്നു കൊടുക്കരുത്