റേഡിയോ ജോക്കിയെ വെട്ടിക്കൊലപ്പെടുത്തിയ കേസില് മുഖ്യപ്രതി അറസ്റ്റില്
Published on 17 April, 2018
തിരുവനന്തപുരം: റേഡിയോ ജോക്കി രാജേഷിനെ വെട്ടിക്കൊലപ്പെടുത്തിയ
കേസില് മുഖ്യപ്രതികളില് ഒരാളായ അപ്പുണ്ണിയെ അന്വേഷണ സംഘം അറസ്റ്റ് ചെയ്തു.
തമിഴ്നാട്ടില് നിന്നുമാണ് ഇയാള് പിടിയിലായതെന്നാണ് വിവരം. ഇയാളെ അന്വേഷണ സംഘം
വിശദമായി ചോദ്യം ചെയ്തു വരികയാണ്.
കേസിലെ പ്രധാന പ്രതിയായ അപ്പുണ്ണി
കൊലപാതകത്തിന്റെ പ്രധാന ഗൂഢാലോചനക്കാരനാണെന്നാണ് പോലീസ് കണ്ടെത്തിയിരുന്നു.
ഖത്തറില് നിന്നും നാട്ടിലെത്തിയ കേസിലെ മറ്റൊരു പ്രതിയായ അലിഭായിക്ക്
രക്ഷപെടാനുള്ള സൗകര്യം ഒരുക്കിയതും രാജേഷിന്റെ വിവരങ്ങള് നല്കിയതും
അപ്പുണ്ണിയാണ്.
കൊലപാതകത്തിന് പിന്നില് പ്രവര്ത്തിച്ചവരെ ഉള്പ്പെടുത്തി
വാട്സ് ആപ്പ് ഗ്രൂപ്പുണ്ടാക്കിയായിരുന്നു ഇയാള് വിവരങ്ങള് കൈമാറിയിരുന്നത്.
കൊലയാളികള് സഞ്ചരിച്ച വാഹനം സംഘടിപ്പിച്ചതും സംഘത്തിനു താമസ സൗകര്യം കണ്ടെത്തിയതും
അപ്പുണ്ണിയാണെന്നും പോലീസ് കണ്ടെത്തിയിട്ടുണ്ട്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല