Image

ശശീന്ദ്രന്‌ മന്ത്രിസ്ഥാനത്തേക്ക്‌ വരുന്നതില്‍ തടസമില്ലെന്ന്‌ മുഖ്യമന്ത്രി

Published on 22 November, 2017
ശശീന്ദ്രന്‌ മന്ത്രിസ്ഥാനത്തേക്ക്‌ വരുന്നതില്‍ തടസമില്ലെന്ന്‌ മുഖ്യമന്ത്രി


തിരുവനന്തപുരം: എ.കെ.ശശീന്ദ്രന്‌ മന്ത്രിസ്ഥാനത്തേക്ക്‌ മടങ്ങിവരുന്നതില്‍ തടസമൊന്നുമില്ലെന്ന്‌ മുഖ്യമന്ത്രി പിണറായി വിജയന്‍. മന്ത്രിസഭായോഗത്തിന്‌ ശേഷം നടത്തിയ വാര്‍ത്താ സമ്മേളനത്തിലാണ്‌ അദ്ദേഹം ഇക്കാര്യം പറഞ്ഞത്‌.

ഫോണ്‍ കെണി കേസില്‍ അന്വേഷണം നടത്തിയ ജൂഡീഷല്‍ കമ്മീഷന്‍ ശശീന്ദ്രനെതിരേ കുറ്റമൊന്നും കണ്ടെത്തിയിട്ടില്ല. ശശീന്ദ്രനെ ബോധപൂര്‍വം കുടുക്കാന്‍ ചാനല്‍ ക്രിമിനല്‍ ഗൂഢാലോചന നടത്തിയെന്നാണ്‌ കമ്മീഷന്‍ കണ്ടെത്തിയത്‌. ശശീന്ദ്രനെതിരേ ശിപാര്‍ശകളുണ്ടെന്ന്‌ ചില മാധ്യമങ്ങളില്‍ മാത്രമാണ്‌ വാര്‍ത്ത കണ്ടതെന്നും റിപ്പോര്‍ട്ടില്‍ പരാമര്‍ശങ്ങളൊന്നും ഇല്ലെന്നും മുഖ്യമന്ത്രി പറഞ്ഞു.

ജൂഡീഷല്‍ കമ്മീഷന്‍ റിപ്പോര്‍ട്ടിലെ ശിപാര്‍ശകള്‍ ചീഫ്‌ സെക്രട്ടറി അധ്യക്ഷനായ സമിതി പരിശോധിച്ച ശേഷം സര്‍ക്കാര്‍ ആവശ്യമായ തുടര്‍ നടപടികള്‍ സ്വീകരിക്കുമെന്നും മുഖ്യമന്ത്രി അറിയിച്ചു.





Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക