സ്വര്‍ഗരാജ്യത്തെ ലക്ഷ്യമാക്കി തീര്‍ഥാടനം ചെയ്യുന്നവരുടെ സമൂഹമാണ് തിരുസഭ: മാര്‍ ജോസഫ് സ്രാന്പിക്കല്‍
Published on 21 November, 2017
ന്യൂടൗണ്‍ (വെയില്‍സ്): എല്ലാ ക്രിസ്ത്യാനികളുടെയും പൗരത്വം സ്വര്‍ഗത്തില്‍ ആണെന്നും അതിനാല്‍ സ്വര്‍ഗത്തെ ലക്ഷ്യമാക്കിയാണ് നാമോരോരുത്തരും യാത്ര ചെയ്യേണ്ടതെന്നും ഗ്രേറ്റ് ബ്രിട്ടന്‍ രൂപതാധ്യക്ഷന്‍ മാര്‍ സ്രാന്പിക്കല്‍. ഗ്രേറ്റ് ബ്രിട്ടന്‍ സീറോ മലബാര്‍ രൂപതയുടെ അടുത്ത അഞ്ചു വര്‍ഷത്തേക്കുള്ള അജപാലന പദ്ധതികള്‍ക്ക് രൂപം നല്‍കാനും കര്‍മ്മ പദ്ധതികള്‍ ആവിഷ്‌കരിക്കാനുമായി സമ്മേളിക്കുന്ന ത്രിദിന ആലോചനാ യോഗം തിങ്കളാഴ്ച മിഡ് വെയില്‍സിലെ കഫന്‍ലി പാര്‍ക്കില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ക്രിസ്ത്യാനികളുടെ നല്ല ജീവിതത്തിന്റെ മാതൃക കണ്ട്, ഇവര്‍ സ്വര്‍ഗരാജ്യത്തെ പ്രതിഫലിപ്പിക്കുന്നവരായി മറ്റുള്ളവര്‍ക്ക് തോന്നാന്‍ ഇടയാകണമെന്നും മാര്‍ സ്രാന്പിക്കല്‍ വിശ്വാസികളെ ഓര്‍മിപ്പിച്ചു.
ഗ്രേറ്റ് ബ്രിട്ടന്‍ രൂപതയുടെ അടുത്ത അഞ്ചു വര്‍ഷത്തേയ്ക്കുള്ള പ്രവര്‍ത്തനങ്ങളുടെ മാര്‍ഗ രേഖയായ ഹശ്ശിഴ േെീില,െ അടിസ്ഥാനമാക്കി വിവിധ വിഷയങ്ങളില്‍ പ്രബന്ധാവതരണങ്ങള്‍, ക്ലാസുകള്‍, ചര്‍ച്ചകള്‍ എന്നിവ നടക്കും.
റവ. ഡോ. പോളി മണിയാട്ട്, റവ. ഡോ. ചെറിയാന്‍ വാരികാട്ട്, റവ. ഡോ. മാര്‍ട്ടിന്‍ കല്ലുങ്കല്‍, ഫാ.അരുണ്‍ കലമറ്റത്തില്‍ എന്നിവര്‍ ക്ലാസുകള്‍ നയിക്കും. വികാരി ജനറല്‍മാരായ റവ. ഡോ. തോമസ് പാറയടിയില്‍, റവ. ഡോ.മാത്യു ചൂരപൊയ്കയില്‍, ഫാ. സജിമോന്‍ മലയില്‍ പുത്തന്‍പുരയില്‍, ചാന്‍സിലര്‍ റവ. ഡോ. മാത്യു പിണക്കാട്ട്, ഫാ. ഫാന്‍സുവ പത്തില്‍ എന്നിവര്‍ സമ്മേളനത്തിന് നേതൃത്വം നല്‍കുന്നു. സമ്മേളനത്തില്‍ മുപ്പത്തഞ്ചില്‍പരം വൈദികരും രൂപതയിലെ 174 കുര്‍ബാന സെന്ററില്‍ നിന്നുള്ള പ്രതിനിധികളും വിവിധ സന്യസ്ത, സംഘടനാ പ്രതിനിധികളും സംബന്ധിക്കുന്നുണ്ട്. സമ്മേളനം നാളെ ഉച്ചക്ക് സമാപിക്കും.
റിപ്പോര്‍ട്ട്: ഫാ. ബിജു കുന്നക്കാട്ട്
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala