കാജോളും കരണ്‍ജോഹറും സുഹൃത്തുക്കള്‍ തന്നെ !
Published on 13 October, 2017
ബോളിവുഡിലെ മികച്ച ഒരു കൂട്ടുകെട്ടായിരുന്നു സംവിധായകന്‍ കരണ്‍ ജോഹറും നടി കജോളും. എന്നാല്‍ പിണക്കവും അവര്‍ക്കിടയില്‍ ഉണ്ടായി. തന്റെ ആത്മകഥയില്‍ അതെല്ലാം കാരന്‍ വെളിപ്പെടുത്തിയതോടെ ബോളിവുഡില്‍ വാദപ്രതിവാദങ്ങള്‍ ഉയര്‍ന്നു. മാധ്യമങ്ങള്‍ അത് ആഘോഷമാക്കി.
എന്നാല്‍ പുറത്തു വരുന്ന വാര്‍ത്ത പിണക്കമൊക്കെയാണെങ്കിലും കരണ്‍ ജോഹറിന്റെ മനസ്സില്‍ ഇപ്പോഴും കജോളിന് ആ പഴയ സ്ഥാനം തന്നെയാണുള്ളതെന്നാണ്, തന്റെ കൂട്ടുകാരിയെ അങ്ങനെ അങ്ങു മറക്കാന്‍ കഴിയില്ലെന്നാണ് അദ്ദേഹം പറയുന്നത്. “ചില ബന്ധങ്ങള്‍ വളറെ പവിത്രമാണെന്നാണ് ഞാന്‍ കരുതുന്നത്, അവര്‍ നിങ്ങളെ വേദനിപ്പിച്ചാലോ ആ വേദനയില്‍ നിന്നു നിങ്ങള്‍ മുക്തമാകാതിരുന്നാലോ അത്തരം വികാരങ്ങളെല്ലാം നിങ്ങള്‍ക്കുള്ളില്‍ തന്നെ ഒതുക്കുന്നതാണ് നല്ലത്. പക്ഷേ ഞാന്‍ ഒരിക്കല്‍ പരസ്യമായി ഇക്കാര്യം പറഞ്ഞതാണ് എനിക്കു പറ്റിയ തെറ്റ്, അങ്ങനെയാണ് ഇതു പുറത്തായതും. എന്തായാലും അതു പറഞ്ഞു പോയി, ഇനി തിരിച്ചെടുക്കാനും കഴിയില്ല. ഞങ്ങള്‍ക്കിരുവര്‍ക്കും ആഗ്രഹമുണ്ട്, പഴയ രീതിയിലേക്ക് തന്നെ പോകാന്‍, കജോളിനോട് ഇപ്പോഴും എനിക്ക് ഒരുപാടു സ്‌നേഹവുമുണ്ട്” കരണ്‍ പറയുന്നു.
തന്റെ മക്കളായ യഷിന്റെയും റൂഹിയുടെയും കാര്യം ആദ്യം അറിയിച്ചതും കജോളിനെയാണെന്ന് കരണ്‍ പറയുന്നു. “തിരിച്ചു മറുപടി അയക്കണം എന്നില്ല, പക്ഷേ എന്റെ മക്കളുടെ കാര്യം പത്രമാധ്യമങ്ങളിലൂടെയോ ഓണ്‍ലൈനിലൂടെയോ നീ അറിയരുതെന്ന് എനിക്കുണ്ട്. അവര്‍ എങ്ങനെയാണ് കാണാന്‍ ഇരിക്കുന്നതെന്ന് നീ കൂടി കാണണം എന്നാഗ്രഹിച്ചാണ് ഈ സന്ദേശം അയച്ചതെന്നും കരണ്‍ പറഞ്ഞു. അതിനു മറുപടിയായി കജോള്‍ “അവര്‍ വളരെ മനോഹരമായിരിക്കുന്നു, എന്റെ മക്കള്‍ എന്നെ സ്‌നേഹിക്കുന്നതുപോലെ അവരും എല്ലാ സ്‌നേഹവും നിനക്കു നല്‍കട്ടെയെന്നു ഞാന്‍ പ്രത്യാശിക്കുന്നു”വെന്ന് കുറിച്ചു.
എന്തായാലും കരണ്‍ ജോഹറും കജോളും ഒരിക്കല്‍ക്കൂടി സിനിമയിലും ജീവിതത്തിലും നല്ല സുഹൃത്തുക്കളാവാന്‍ കാത്തിരിക്കുകയാണ് ഇരുവരുടെയും ആരാധകര്‍.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala