(പാടാത്ത വീണയും പാടും
പ്രേമത്തിൻ ഗന്ധർവ വിരൽ തൊട്ടാൽ
പാടാത്ത മാനസവീണയും പാടും എന്ന ഗാനത്തിന്റെ  ഹാസ്യാനുകരണം)
 
തെളിയാത്ത പേനയും തെളിയും
അവാർഡിൻ മാന്ത്രിക സ്പർശമേറ്റാൽ
എഴുതാത്ത വ്യക്തിയും എഴുതും

അവാർഡിനാൽ മന്ത്രീകവിദ്യകൾ കാട്ടുന്ന
വിചിത്രലോകമാണ് ഐക്യനാട്
വ്യാജഫലകങ്ങളാലെ നീ
മലിനമാക്കിയീ  സാഹിത്യലോകം
ഓ ഓ പൊറുക്കുകില്ല പൊറുക്കുകില്ല
ഈ ചെയ്തി ഞങ്ങൾ മറക്കുകില്ല
(തെളിയാത്ത ...)

പൊന്നാടകൊണ്ട് നീ പുതപ്പിച്ച നേരത്ത്
കോരിത്തരിച്ചടിമുടി  ഞാൻ
ആരൊക്കെ അപഹസിച്ചാലുമൊരിക്കലും
കളയുകയില്ലിതു ഞാൻ
ഓ ഓ കളയുകില്ല കളയുകില്ല
പൊന്നാട ഞാൻ കളയുകില്ല
(തെളിയാത്ത ...)