കൊച്ചിയില് യുവനടി ആക്രമിക്കപ്പെട്ട വാര്ത്ത ചൂടുപിടിച്ച് നില്ക്കുമ്പോള് നടി ഭാമയും ഗോസിപ്പുകോളങ്ങളില് ഇടംപിടിച്ചിരുന്നു. പള്സര് സുനി മുന്പും ഇത്തരത്തില് സമാനമായ ഒരു ആക്രമണം നടത്തിയിരുന്നു എന്നും ലോഹിതദാസ് സിനിമയിലേക്ക് കൊണ്ടുവന്ന ഒരു നായികയാണ് ആക്രമണത്തിന് ഇരയായതെന്നുമുള്ള വാര്ത്തകള് പ്രചരിച്ചിരുന്നു.
ആ സമയത്ത് ഭാമയാണ് ആ നായിക എന്ന തരത്തില് സമൂഹ മാധ്യമങ്ങളില് വാര്ത്ത പ്രചരിച്ചിരുന്നു. എന്നാല് ആ നായിക താന് അല്ല എന്നും തനിക്ക് അത്തരത്തില് ഒരു അനുഭവം ഉണ്ടായിട്ടില്ല എന്നും ഭാമ തന്നെ പ്രതികരിച്ചിരുന്നു. എന്നാല് ഏറ്റവും പുതിയതായി മാധ്യമങ്ങളില് വന്ന വാര്ത്ത ഭാമയെ മലയാള സിനിമയില് നിന്നും ഇല്ലാതാക്കാന് നടന് ദിലീപ് ശ്രമിച്ചു എന്നാണ്. ഭാമ തന്നെ ഒരു മാസികയ്ക്ക് കൊടുത്ത അഭിമുഖത്തില് തന്നെ സിനിമയില് നിന്നും ഇല്ലാതാക്കാന് ഒരാള് ശ്രമിച്ചിരുന്നു എന്നും ഇയാള് പല സംവിധായകരെയും വിളിച്ച് തനിക്ക് അവസരം തരരുത് എന്ന തരത്തില് സംസാരിച്ചുവെന്നും വെളിപ്പെടുത്തുന്നു.
താന് അഭിനയിക്കുന്ന ചിത്രങ്ങളുടെ സംവിധായകരെ വിളിച്ച് അവളെ അഭിനയിപ്പിക്കരുത് എന്നും അഭിനയിപ്പിച്ചാല് അത് തലവേദനയാകും എന്നും പറഞ്ഞ് തന്നെ സിനിമയില് നിന്നും പുറത്താക്കാന് ഒരാള് ശ്രമിച്ചു എന്നാണ് ഭാമ വെളിപ്പെടുത്തുന്നത്. ഇത് ആരാണെന്ന് ഒരു സംവിധായകനോട് ചോദിച്ചു എന്നും ആളെ മനസിലായപ്പോള് താന് ഞെട്ടിയെന്നും ഭാമ കൂട്ടി ചേര്ക്കുന്നു.