സുഖദമായ
ടെന് ടു സിക്സ് രാജിവച്ച്
ജാപ്പനീസ് പഠിച്ച്
കോച്ചിനെവച്ച്
പകല്, രാത്രി, വെയില്,
മഴ, മഞ്ഞൊക്കെ ത്യജിച്ച്
വളംനോക്കി,
തടി നോക്കി
വെയലത്തു വിയര്പ്പിച്ച്
പടുമുള പൊട്ടിച്ച്
പട്ടിണിക്കിട്ട്
വേരുകള് കത്രിച്ച്
കീടങ്ങളെ ഞെരിച്ച്....
മുന്മുറിയിലെ ചിത്രച്ചട്ടിയില്
സുക്ഷ്മാശ്വത്ഥക്കീഴില്
സെന്ക്കഥപോലിരിക്കെ,
പേനകളും ക്യാമറകളുംവാലവാലേ....
പങ്കയ്ക്കു കീഴില് കുഞ്ഞിലകള്
തുള്ളിക്കളിച്ചു.
ഇമ്പ്രിപ്പഴങ്ങള്
മഴവില്ലു പൂശി.
കോരിത്തരിച്ചു.
പക്ഷെ
ഇപ്പോള്
പ്രമേഹം
ഒരു കാലുമുറിച്ചു.
തരിശിന്റെ അതിരൊക്കെ നര.
അവള്ക്കും
കാറ്റില് വയ്യ, തണുപ്പില് വയ്യ
മഴയില് വയ്യ, വെയിലില് വയ്യ.
ബൊണ്സായിയല്ലേ
തണലില്ല തീരെ!