ലാല് ജോസ് സംവിധാനം ചെയ്യുന്ന ഡയമണ്ട് നെക്ലേസിന്റെ ചിത്രീകരണം ആരംഭിച്ചു.
ദുബായിലെ ബര്ദുബായിലെ മുസല്ലാ ടവറിലായിരുന്നു ഈ ചിത്രത്തിനു തുടക്കമിട്ടത്.
ഡോ. അരുണ് എന്ന ഇതിലെ കേന്ദ്ര കഥാപാത്രത്തെ അവതരിപ്പിക്കുന്നത് ഫഹദ്
ഫാസിലാണ്. പാലക്കടവ് ഗ്രാമത്തില്നിന്നും ദുബായിലെത്തിയ ഡോ. അരുണിന്റെ
ജീവിതത്തിലേക്ക് മൂന്നു വ്യത്യസ്ത സ്ത്രീകഥാപാത്രങ്ങളുടെ സാന്നിധ്യമുളവാകുന്നു.
അവരുമായുള്ള ഡോ. അരുണ്കുമാറിന്റെ ബന്ധങ്ങളാണ് തികച്ചും രസാവഹമായി
അവതരിപ്പിക്കുന്നത്.
മായ- പാരീസില്നിന്നും ഈ നഗരത്തിലെത്തി ഇന്നിപ്പോള്
ഒരു ബ്യൂട്ടി പാര്ലറിന്റെ ഉടമ. സംവൃത അവതരിപ്പിക്കുന്ന കഥാപാത്രം. കലാമണ്ഡലം
രാജശ്രീ. കലാമണ്ഡലത്തില്നിന്നും വിവിധ നടനകലകള് അഭ്യസിച്ചെത്തിയ പെണ്കുട്ടി.
സൂര്യാ ടിവിയിലെ ഒരു പരിപാടിയിലൂടെ ലാല് ജോസ് കണെ്ടത്തിയ അനുശ്രീ ഈ കഥാപാത്രത്തെ
അവതരിപ്പിക്കുന്നു. ലക്ഷ്മി. ഒരു തമിഴ് നഴ്സ്. സെക്കന്ഡ് ഷോയിലെ നായികയായ
ഗൗതമി നായരാണ് ഈ കഥാപാത്രത്തെ അവതരിപ്പിക്കുന്നത്. ദുബായ് നഗരത്തിലെ ഉയര്ന്ന
ജീവിതനിലവാരങ്ങളില് ജീവിക്കുന്നവര് നേരിടുന്ന പ്രശ്നങ്ങലും ഈ ചിത്രത്തിലൂടെ
പ്രതിപാദിക്കുന്നുണ്ട്.
ശ്രീനിവാസന്, ജഗതി, രോഹിണി, സീമാ ജി. നായര്,
മിഥുന്, രമേശ് എന്നിവരും അരുണ്കുമാര് എന്ന ഒരു പുതുമുഖ നടനെയും ഈ ചിത്രത്തിലൂടെ
അവതരിപ്പിക്കുന്നു. ഒപ്പം ഏതാനും പ്രവാസി മലയാളികളും ഈ ചിത്രത്തിലുണ്ട്. റഫീഖ്
അഹമ്മദിന്റെ ഗാനങ്ങള്ക്ക് വിദ്യാസാഗര് ഈണം പകരുന്നു. സമീര് താഹിറാണ്
ഛായാഗ്രാഹകന്. ഡോ. ഇക്ബാല് കുറ്റിപ്പുറമാണ് തിരക്കഥാകൃത്ത്.
അറബിക്കഥയ്ക്കുശേഷം ലാല് ജോസും ഇക്ബാല് കുറ്റിപ്പുറവും ഒന്നിച്ചുചേരുന്ന
ചിത്രംകൂടിയാണിത്.വാഴൂര് ജോസ്