ഭരണകൂടങ്ങൾ ഉറയ്ക്കുവാൻ ലോകത്ത്
മനുഷ്യരെ കുരുതികഴിച്ചിടേണം
ചോരപ്പുഴകൾ ഒഴുക്കണം ആയതിൽ
ഭരണകൂടങ്ങൾ ഇളകിടായ്ക.
ഒത്തിടുമ്പോൾ വേണം രാസായനപ്രയോഗം 
ഒത്തിരിപ്പേരുടൻ ചത്തൊടുങ്ങും
കണ്ടില്ലേ വാതക പ്രയോഗം  സിറിയിൽ
കണ്ടാൽ ആരുടെം ചങ്കുപൊട്ടും
അവരുടെ രക്തത്തിൽ കുത്തിയൊഴുകണം
പ്രതിപക്ഷം ഒന്നോടെ നശിച്ചീടേണം
അധികാരവർഗ്ഗത്തിനീതു കണ്ടാലുണ്ടോ
ലെവലേശമെങ്കിലും കൂസലതിൽ
ചാകണം ഒരു പറ നിത്യവും അങ്ങനെ
ചത്താലെ ലോകം മെച്ചമാകു.
റോമാ നഗരത്തിൽ അഗ്നി പടരുമ്പോൾ
കാളാമുണ്ടം തപ്പും ആനയെപ്പോൽ
തപ്പുന്നു നേതാക്കൾ മദ്യം മതിരാക്ഷീം
ലോകത്ത് മർത്ത്യർ ചത്തിടുമ്പോൾ
ചാകട്ടെ അങ്ങനെ ആർക്കാണതിൽ ചേതം
ഉണ്ടല്ലോ ലോകത്ത്  ശതകോടി പിന്നെയും 
ചാകട്ടെ അവരും ഒന്നടങ്കം
മതിമതി കവി നീ എഴുതിയതു മതിയിനി
പേനയിനി പടവാളാക്കി ഒരുക്കിടു നീ 
വരുന്നുണ്ട് മതങ്ങളൂം രാഷ്ട്രീയ തിരുടരും
കുരുതിയ്ക്കായി നിന്നെ പിടിച്ചിടുവാൻ