Image

500 കോടി ബജറ്റില്‍ ഒരുക്കുന്ന മോഹന്‍ലാല്‍ ചിത്രത്തിന്‌ വേണ്ടി പീറ്റര്‍ ഹെയിന്‍ വീണ്ടും

Published on 22 March, 2017
 500 കോടി ബജറ്റില്‍ ഒരുക്കുന്ന മോഹന്‍ലാല്‍ ചിത്രത്തിന്‌ വേണ്ടി പീറ്റര്‍ ഹെയിന്‍ വീണ്ടും
പീറ്റര്‍ ഹെയിന്‍ വീണ്ടും മലയാളത്തിലെത്തുന്നു. ഇത്തവണയും മോഹന്‍ലാലിന്‌ വേണ്ടി തന്നെയാണ്‌ പീറ്ററിന്റെ വരവ്‌. 

 എംടി വാസുദേവന്‍ നായരുടെ തിരക്കഥയില്‍, വിഎ ശ്രീകുമാര്‍ സംവിധാനം ചെയ്യുന്ന രണ്ടമൂഴം എന്ന ബിഗ്‌ ബജറ്റ്‌ ചിത്രത്തിന്‌ വേണ്ടിയാണ്‌ ഇത്തവണ പീറ്റര്‍ ഹെയിന്‍ മലയാളത്തിലേക്ക്‌ വരുന്നത്‌. 

ഒരു അഭിമുഖത്തില്‍ സംസാരിക്കവെ പീറ്റര്‍ തന്നെയാണ്‌ ഇക്കാര്യം വ്യക്തമാക്കിയത്‌. പുലിമുരുകന്‌ ശേഷം വീണ്ടും മോഹന്‍ലാലിനൊപ്പം വര്‍ക്ക്‌ ചെയ്യാന്‍ കഴിയുന്ന സന്തോഷത്തിലാണ്‌ പീറ്റര്‍ ഹെയിന്‍. 

രണ്ടാമൂഴത്തിന്‌ വേണ്ടി പ്രതീക്ഷയോടെ കാത്തിരിയ്‌ക്കുകയാണെന്ന്‌ പറഞ്ഞ പീറ്റര്‍, അമിതാബ്‌ ബച്ചന്‍ ചിത്രത്തിലുണ്ടാവും എന്ന സൂചനയും നല്‍കി. 

 മഹാഭാരതത്തിലെ കുരുക്ഷേത്ര യുദ്ധത്തെ ആസ്‌പദമാക്കി ഒരുക്കുന്ന ചിത്രത്തിന്റെ ആകെ ബജറ്റ്‌ 500 കോടിയാണെന്നാണ്‌ കേള്‍ക്കുന്നത്‌. മലയാളത്തില്‍ നിന്ന്‌ പിറക്കുന്ന ബാഹുബലിയായിരിക്കും രണ്ടാമൂഴം എന്നാണ്‌ അണിയറ വാര്‍ത്തകള്‍. 

 മലയാളത്തിന്‌ പുറമെ തമിഴ്‌, തെലുങ്ക്‌, ഹിന്ദി, ഇംഗ്ലീഷ്‌ ഭാഷകളിലായി ഒരുക്കുന്ന ചിത്രത്തില്‍ ലാലിന്‌ പുറമെ അമിതാബ്‌ ബച്ചന്‍, ഐശ്വര്യ റായി, വിക്രം, മഞ്‌ജു വാര്യര്‍, നാഗാര്‍ജ്ജുന, പ്രഭു, ശിവരാജ്‌ കുമാര്‍ തുടങ്ങിയവരും കേന്ദ്ര കഥാപാത്രങ്ങളായി എത്തും എന്ന്‌ വാര്‍ത്തകളുണ്ട്‌. 

 ഇവരെ കൂടാതെയും ചില വലിയ പേരുകള്‍ അണിയറയില്‍ കേള്‍ക്കുന്നു. എ ആര്‍ റഹ്മാനാണത്രെ ചിത്രത്തിന്റെ സംഗീത സംവിധായകന്‍.




Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക