മഹാഭാരതത്തെ അപകീര്‍ത്തിപ്പെടുത്തിയെന്നാരോപിച്ച്‌ കമല്‍ഹാസനെതിരെ പൊതുതാല്‍പ്പര്യ ഹര്‍ജി
Published on 22 March, 2017
ചെന്നൈ: ഉലകനായകന്‍ കമല്‍ഹാസനെതിരെ കോടതിയില്‍ പൊതുതാല്‍പ്പര്യ ഹര്‍ജി. ഇതിഹാസകാവ്യമായ മഹാഭാരതത്തെ അപകീര്‍ത്തിപ്പെടുത്തുന്ന തരത്തിലുള്ള പരാമര്‍ശം നടത്തിയെന്നാരോപിച്ചാണ്‌ ഹര്‍ജി. തിരുനല്‍വേലി വള്ളിയൂര്‍ കോടതിയിലാണ്‌ ഹര്‍ജി സമര്‍പ്പിക്കപ്പെട്ടത്‌.
സ്‌ത്രീവിരുദ്ധമായ കഥാസന്ദര്‍ഭങ്ങള്‍ മഹാഭാരതത്തിലുണ്ടെന്ന്‌ ഒരു ടെലിവിഷന്‍ ചാനലിന്‌ നല്‍കിയ അഭിമുഖത്തില്‍ പറഞ്ഞിരുന്നു. ഇതിനെ ചോദ്യം ചെയ്‌തുകൊണ്ട്‌ 62-കാരനായ അഭിഭാഷകന്‍ ഗാന്ധിനാഥനാണ്‌ ഹര്‍ജി നല്‍കിയത്‌.
മഹാഭാരതത്തെ അപമാനിച്ചതിന്‌ പരസ്യമായി മാപ്പ്‌ പറയാന്‍ കമല്‍ഹാസന്‍ തയ്യാറാകണമെന്നാണ്‌ ഗാന്ധിനാഥിന്റെ ആവശ്യം. ഹിന്ദുമത വിശ്വാസങ്ങളെ മോശമായി ചിത്രീകരിക്കുന്ന പരാമര്‍ശങ്ങള്‍ കമല്‍ഹാസന്‍ മുന്‍പും നടത്തിയിട്ടുണ്ടെന്ന്‌ ഹര്‍ജിയില്‍ പറയുന്നുണ്ട്‌.
നേരത്തേ ഹിന്ദു മക്കള്‍ കക്ഷി കമല്‍ഹാസനെതിരേ ചെന്നൈ പോലീസ്‌ കമ്മീഷണര്‍ക്കും കോയമ്പത്തൂര്‍ കളക്ടര്‍ക്കും ഇതേ വിഷയത്തില്‍ പരാതി നല്‍കിയിരുന്നു. കമല്‍ഹാസന്‍ മതവികാരം വ്രണപ്പെടുത്തിയെന്നാരോപിച്ചായിരുന്നു പരാതി.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala