ബെര്ലിന്: ലോക സാമ്പത്തിക റേറ്റിംഗ് ഏജന്സി ഫിച്ച് ജര്മ്മന് സാമ്പത്തിക വളര്ച്ചക്കും, കറന്സി മാനേജമെന്റിനും ഏറ്റവും മികച്ച 'ട്രിപ്പിള് എ' നല്കി. ജര്മ്മനിയിലെ ഗാര്ഹിക ഉല്പാദനം 2017 ല് 1.8 ശതമാനം ആയിരിക്കമെന്നാണ് റേറ്റിംഗ് ഏജന്സി ഫിച്ചിന്റെ കണക്ക്കൂട്ടല്. കഴിഞ്ഞ 2 വര്ഷമായി ജര്മനിയിലേക്ക് ഒഴുകിയ അഭയാര്ത്ഥികളും അതിന് വേണ്ടി ചിലവാക്കിയ അധിക ചിലവും ജര്മന് സാമ്പത്തിക വളര്ച്ചയെ ബാധിച്ചില്ല. സമ്യുദ്ധമായ സാമ്പത്തിക അച്ചടക്ക നടപടികളും, പ്രതീക്ഷിച്ചതിനേക്കാള് കൂടുതല് കിട്ടിയ നികുതി വരുമാനവും ജര്മനിയുടെ സാമ്പത്തിക ഭദ്രതക്കും, വളര്ച്ചക്കും സഹായിച്ചു.
ജര്മനിയുടെ ഈ സാമ്പത്തിക ഭദ്രതയില് ജര്മ്മന് വ്യവസായങ്ങളില് മുതല് മുടക്കാന് ഇത് ഏറ്റവും ഉചിതമായ സമയം ആണെന്ന് ലോക റേറ്റിംഗ് ഏജന്സി വിലയിരുത്തുന്നു. ജര്മ്മന് വ്യവസായ മേഖലയില് മുതല് മുടക്കാന് പ്രവാസികള്ക്കും ഏറെ സാദ്ധ്യതകളുണ്ട്.