മുംബൈ:
ആധാര് കാര്ഡിന്റെ വ്യാജപകര്പ്പ് സൃഷ്ടിച്ചു വന് ബാങ്ക് തട്ടിപ്പ്.
മുബൈയിലാണു സൈബര് പോലീസിനെപ്പോലും ഞെട്ടിച്ച തട്ടിപ്പ് അരങ്ങേറിയത്. മുംബൈയിലെ
പ്രധാന വ്യാപാര കേന്ദ്രമായ ബാന്ദ്ര-കുര്ള കോംപ്ലക്സിലാണ് ഈ തട്ടിപ്പ്
കണ്ടെത്തിയത്.
വ്യാജമായി സൃഷ്ടിച്ച ആധാര് കാര്ഡ് ഉപയോഗിച്ചു സൈബര്
തട്ടിപ്പുസംഘം ഒരാളുടെ ബാങ്ക് അക്കൗണ്ട് തന്നെ മാറ്റിക്കളഞ്ഞു. ഈ കാര്ഡിന്റെ
ബലത്തില് ഉടമ അറിയാതെ ബാങ്ക് അക്കൗണ്ട് മുംബൈ ബ്രാഞ്ചില്നിന്നു ഡല്ഹി
ബ്രാഞ്ചിലേക്കു മാറ്റുകയാണു തട്ടിപ്പുകാര് ചെയ്തത്.
അതോടൊപ്പം ബാങ്ക്
അക്കൗണ്ടുമായി ബന്ധിച്ചിരുന്ന മൊബൈല് ഫോണ് നന്പറും മാറ്റിക്കൊടുത്തു. ഇതോടെ ഈ
അക്കൗണ്ടില് നടന്ന ഇടപാടുകളുടെ വിവരങ്ങളൊന്നും യഥാര്ഥ ഉടമയ്ക്കു ലഭിക്കാതായി.
മാസങ്ങള്ക്കു ശേഷം എന്തോ ആവശ്യത്തിനു ബാങ്ക് സ്റ്റേറ്റ്മെന്റ് എടുത്തപ്പോള്
മാത്രമാണ് തന്റെ അക്കൗണ്ട് മറ്റൊരു ശാഖയിലേക്കു മാറിയതും അതുപയോഗിച്ചു മറ്റു
ചിലര് ഇടപാടുകള് നടത്തിയതും ഉടമ തിരിച്ചറിഞ്ഞത്.