വാലന്റൈന്‍സ്‌ ഡേ ദിനത്തില്‍ സുഹൃത്തിനോടൊപ്പം അഴീക്കല്‍ ബീച്ച്‌ കാണാനെത്തിയ അനീഷിന്‌ സദാചാര ഗുണ്ടകളുടെ മര്‍ദ്ദനമേറ്റിരുന്നു. ഇതിന്റെ മനോവിഷമത്തിലാണ്‌ ആത്മഹത്യ എന്നാണ്‌ അനീഷിന്റെ സുഹൃത്തുക്കള്‍ പറയുന്നത്‌. ഇന്നു ഉച്ച
യോടെയാണ്‌ വിടിനു സമീപത്തായി തൂങ്ങി മരിച്ച നിലയില്‍ അനീഷിന്റെ ശരീരം കണ്ടെത്തുന്നത്‌.

കൊല്ലത്തുണ്ടായ ആക്രമത്തിന്‌ ശേഷം അനീഷ്‌ ആരോടും സംസാരിക്കാറില്ലായിരുന്നെന്നും വീടിനു പുറത്തിറങ്ങാന്‍ തയ്യാറായിരുന്നില്ലെന്നും അനീഷിന്റെ സുഹൃത്തുക്കള്‍ 

പറഞ്ഞു. മരണത്തിനു പിന്നില്‍ സദാചാര അക്രമണത്തിനിരയായ വിഷമം തന്നെയാണെന്നും സുഹൃത്തുക്കള്‍ പറയുന്നു.

ഫെബ്രുവരി പതിനാലിനുണ്ടായ സദാചാര അക്രമണത്തില്‍ ഓച്ചിറ സ്വദേശികളായ മൂന്നു പേരെ പൊലീസ്‌ കസ്റ്റഡിയിലെടുത്തിരുന്നു. ബിജു, അഭിലാഷ്‌, ജിനേഷ്‌ എന്നിവരെയാണ്‌ യുവതീ-യുവാക്കളെ ദ്രോഹോപദ്രവം ഏല്‍പ്പിക്കുകയും ദൃശ്യങ്ങള്‍ സമൂഹമാധ്യമങ്ങളിലൂടെ പ്രചരിപ്പിക്കുകയും ചെയ്‌ത കുറ്റത്തിന്‌ അറസ്റ്റ്‌ ചെയ്‌തിരുന്നത്‌.