നടി ആക്രമിക്കപ്പെട്ട സംഭവത്തില്‍ സര്‍ക്കാറിന്റെ ഭാഗത്തുനിന്ന്‌ വീഴ്‌ചയുണ്ടായെന്നും മേജര്‍ രവി ആരോപിക്കുന്നു. സര്‍ക്കാറിന്റെ ഭാഗത്തുനിന്നുള്ള ഈ അനാസ്ഥ പൊതുജനങ്ങള്‍ക്കുള്ള മുന്നറിയിപ്പാണെന്നും അദ്ദേഹം പറയുന്നു.

സര്‍ക്കാര്‍ ഉണരവും വരെ തെരുവിലിറങ്ങാന്‍ പൊതുജനങ്ങള്‍ രംഗത്തുവരണമെന്നും രാഷ്ട്രീയ, ജാതീയ ഭേദമന്യേ ഒരുമിച്ചു നില്‍ക്കണമെന്നും മേജര്‍ രവി ആവശ്യപ്പെടുന്നു.
ഒരു സെലിബ്രിറ്റിക്ക്‌ ഇതു സംഭവിക്കാമെങ്കില്‍ നമ്മുടെ ഏതു സഹോദരിമാര്‍ക്കും ഇത്‌ സംഭവിക്കാമെന്നും മേജര്‍ രവി പറയുന്നു. ഫേസ്‌ബുക്കിലൂടെയാണ്‌ മേജര്‍ രവിയുടെ അഭിപ്രായ പ്രകടനം.