ചെന്നൈ: തമിഴ്ജനതയുടെ നൂറ്റാണ്ടുകള് പഴക്കമുള്ള പാരമ്പര്യത്തിന്റെ ഭാഗമായ ജെല്ലിക്കെട്ട് സുപ്രീം കോടതി നിരോധിച്ചതില് തമിഴ്നാട്ടില് പ്രതിഷേധം കത്തുന്നു. കഴിഞ്ഞ നാല് ദിവസത്തിനിടെ തമിഴ്നാട് ഇതുവരെ കണ്ടിട്ടില്ലാത്ത പ്രതിഷേധത്തിനാണ് സാക്ഷ്യം വഹിക്കുന്നത്.
ജെല്ലിക്കെട്ട് നിരോധനം പിന്വലിക്കണമെന്ന ആവശ്യവുമായി നടന്നു വരുന്ന പ്രതിഷേധം അളംഗനല്ലൂരില് നിന്നും ചെന്നൈയിലെ മറീന ബീച്ചിലേക്ക് കേന്ദ്രീകരിച്ചിരിക്കുകയാണ്. പതിനായിരങ്ങളാണ് പ്രതിഷേധത്തില് പങ്കുചേരുന്നത്.
മറീന ബീച്ചിന് പുറമേ തമിഴ്നാടിന്റെ വിവിധ ഭാഗങ്ങളിലും ജെല്ലിക്കെട്ട് തിരികെ കൊണ്ടുവരണമെന്ന ആവശ്യമുയര്ത്തി പ്രതിഷേധങ്ങള് അരങ്ങേറുന്നുണ്ട്. വിദ്യാര്ത്ഥികള് സ്കൂളുകളും കോളേജുകളും ബഹിഷ്കരിച്ച് മറീന് ബീച്ചിലേക്ക് ഒഴുകുകയാണ്.