ന്യൂദല്‍ഹി: പഞ്ചാബ്‌ നിയമസഭാ തെരഞ്ഞെടുപ്പില്‍ അരവിന്ദ്‌ കേജ്‌രിവാളിനെ മുഖ്യമന്ത്രി സ്ഥാനാര്‍ത്ഥിയാക്കാന്‍ ആം ആദ്‌മി തീരുമാനിച്ചതായി റിപ്പോര്‍ട്ട്‌.

ദല്‍ഹി ഉപമുഖ്യമന്ത്രിയും ആപ്പിന്റെ പ്രമുഖ നേതാവുമായ മനീഷ്‌ സിസോദിയ ആണ്‌ ഇക്കാര്യത്തില്‍ സൂചന നല്‍കിയത്‌. മൊഹാലിയില്‍ നടന്ന റാലിയെ അഭിസംബോധന ചെയ്യവെയാണ്‌ സിസോദിയ ഇക്കാര്യം വ്യക്തമാക്കിയത്‌.

അരവിന്ദ്‌ കേജ്‌രിവാള്‍ പഞ്ചാബിന്റെ മുഖ്യമന്ത്രിയാകാന്‍ പോവുകയാണെന്ന്‌ അദ്ദേഹം പ്രസംഗിച്ചു. ആം ആദ്‌മിയെയും മറ്റു രാഷ്ട്രീയ പാര്‍ട്ടികളെയും സംബന്ധിച്ച്‌ സുപ്രധാന പ്രഖ്യാപനമാണ്‌ ഇതെന്നാണ്‌ വിലയിരുത്തല്‍.