യുഡിഎഫ് സർക്കാർ നികുതിയിളവുകൾ അനാവശ്യമായി നൽകിയതും സാമ്പത്തിക ബാധ്യത വർധിക്കാൻ ഇടയാക്കി. എൽഡിഎഫ് സർക്കാരിന്റെ കാലത്ത് 17.4 ശതമാനമായിരുന്ന നികുതി പിരിവ് യുഡിഎഫ് സർക്കാരിന്റെ കാലത്ത് 12 ശതമാനമായി ചുരുങ്ങി. ഇത് അഴിമതിയും കെടുകാര്യസ്‌ഥതയും മൂലമാണെന്നാണ് തോമസ് ഐസകിന്റെ ധവളപത്രത്തിലെ പ്രധാന വിമർശനം. നികുതി പിരിവ് കുറയുകയും ചെലവുകൾ നിയന്ത്രിക്കാൻ കഴിയാതെ വരുകയും കൂടി ചെയ്തതോടെ സംസ്‌ഥാനം വലിയ സാമ്പത്തിക ബാധ്യതയിലെത്തി. കാർഷിക മേഖലയിലെ പദ്ധതികൾക്ക് വേണ്ടി സർക്കാർ തുക വകയിരുത്തിയില്ല. സ്വജനപക്ഷാപാതവും അഴിമതിയും കാരണം നികുതി പിരിവ് ശരിയായി നടന്നില്ല. 10 വർഷത്തെ ഏറ്റവും കുറഞ്ഞ സാമ്പത്തിക വളർച്ചയിലേക്ക് സംസ്‌ഥാനം ചുരുങ്ങിയെന്നും ധവളപത്രം കുറ്റപ്പെടുത്തുന്നു.