ഫിലാഡല്ഫിയ: അടുത്ത നാളില് വേള്ഡ് ഹെല്ത്ത് ഓര്ഗനൈസേഷന്
പ്രസിദ്ധീകരിച്ച സ്റ്റാറ്റിസ്റ്റിക്കില് ഇന്ഡ്യന് നഗരങ്ങളിലെ അന്തരീക്ഷ
വായു ഏറ്റവും അധികം അശുദ്ധമാണെന്നു അറിയിച്ചു. ക്രമാതീതമായി പൊല്യൂട്ടഡ്
വായു നിറഞ്ഞ ലോകത്തിലുള്ള 50 പട്ടണങ്ങളില് 22 ഉം ഇന്ഡ്യയില്.
തലസ്ഥാനമായ ന്യൂ ഡെല്ഹി 14-ാം അശുദ്ധവായു പദവി നിര്ഭാഗ്യവശാല്
നിലനിര്ത്തി. സന്ദര്ശനത്തിനായി ഇന്ഡ്യയില് എത്തിച്ചേരുന്ന മിക്ക
വിദേശികളും ശ്വസിക്കുന്ന വായുവിന്റെ ഗുണനിലവാരം മോശമാണെന്നു മുന്
അറിവുള്ളവരാണ്. ഇന്ഡ്യന് പര്യടനത്തിനു മുന്പായി അവരുടെ
മാതൃരാജ്യങ്ങള് ഇന്ഡ്യയില് ശ്വസിക്കുന്ന വായു അപകടകാരി എന്ന അറിയിപ്പ്
നല്കുന്നു. ലോകത്തിലെ മാലിന്യ നഗരങ്ങളില് രണ്ടാം സ്ഥാനം മഹാഭാരതത്തിന്റെ
മദ്ധ്യത്തിലുള്ള ഗ്വാളിയാറിനും, ഒന്നാം സ്ഥാനം ഇറാനിലെ സെബോള്
പട്ടണത്തിനുമാണ്.
ശുദ്ധവായു നിരീക്ഷണം രേഖപ്പെടുത്തുന്നത് രണ്ടര
മൈക്രോമീറ്ററിലും താണ വലിപ്പമുള്ള വിഷബിന്ദുക്കളുടെ
അന്തരീക്ഷത്തിലേക്കുള്ള അനുദിന ആഗമനം ചിട്ടയോടെ കണക്കാക്കിയാണ്.
വലിപ്പംകുറഞ്ഞ വിഷബിന്ദുക്കള് ശ്വാസകോശത്തിന്റെ അടിഭാഗത്തേയ്ക്കു
അനായാസം എത്തി ആസ്മ, നിമോണിയ, എംഫസീമ, ക്യാന്സര്, ബ്രോകൈറ്റിസ് തുടങ്ങി
മാരകരോഗങ്ങള് സൃഷ്ടിക്കുവാന് കാരണമാകുന്നു.
കഴിഞ്ഞ
പത്തുവര്ഷമായി അന്തരീക്ഷ മലിനീകരണം ഉയരുവാന് മുഖ്യകാരണം കല്ക്കരി, ഡീസല്,
പെട്രോള്, കുക്കിംഗ് ഓയില്, യാതൊരുവിധ ശുദ്ധീകരണവും നടത്താതെ
ഫാക്ടറികളില്നിന്നും പുറത്തേയ്ക്കുവിടുന്ന വിഷ വെള്ളവും പുകയും, കാര്യക്ഷമമല്ലാത്ത
അന്തരീക്ഷ ശുചീകരണ നിബന്ധനകളും ആണ്. കോണ്ക്രീറ്റിംങ്ങോ, ടാറിംങ്ങോ നടത്താതെ
കുഴിയും തടങ്ങളും നിറഞ്ഞ മണ്റോഡിലൂടെയുള്ള മോട്ടോര് വാഹന ഗതാഗതംമൂലം
അന്തരീക്ഷത്തില് കലരുന്ന പൊടിപടലങ്ങളും പുകയും അമിതമായി അന്തരീക്ഷത്തെ
മലിനമാക്കുന്നു.
ജിയോഫിസിക്കല് റിസേര്ച്ച് ജേണല് ഈ മാസം പുറപ്പെടുവിച്ച
റിപ്പോര്ട്ടില് ഇന്ത്യയില് ഒരു വര്ഷം 5 ലക്ഷത്തിലധികം ജനങ്ങള് അശുദ്ധ വായു
ശ്വസിച്ചു മരിക്കുന്നതായി പ്രഖ്യാപിച്ചു. 2014ല് വേള്ഡ് ഹെല്ത്ത് ഓര്ഗനൈസേഷന്
പുറപ്പെടുവിച്ച പഠനത്തില് ഡല്ഹിയിലെ മലിനീകരണ നിയന്ത്രണം ഏറ്റവും മോശമാണെന്ന്
അറിയിക്കുന്നു.
ആം ആദ്മി പാര്ട്ടി മുഖ്യമന്ത്രി അരവിന്ദ് കേജരിവാള് വായു
ശുദ്ധീകരണത്തിനുവേണ്ടി പല പദ്ധതികളും കര്ശനമായി നിലവില് വരുത്തിയിട്ടുണ്ട്.
ഡീസല് ടാക്സികള് നിരോധിച്ചു. െ്രെപവറ്റ് ഡീസല് മോട്ടോര് വാഹനങ്ങളുടെ നികുതി
മൂന്നിരട്ടി വര്ദ്ധിപ്പിച്ചു. മലിനീകരണമുണ്ടാക്കുന്ന ചെറുകിട വ്യവസായങ്ങള്
നഗരാതിര്ത്തിയില്നിന്നും ദൂരത്തില് സ്ഥാപിച്ചു. െ്രെപവറ്റ് വാഹനങ്ങള് തെരുവില്
ഇറക്കുവാനുള്ള അനുമതി ഒറ്റഇരട്ട രജിസ്ട്രേഷന് നമ്പര് പ്രകാരം ഒന്നിടവിട്ട
ദിവസങ്ങളാക്കി. പുതിയ കെട്ടിട നിര്മ്മാണ നിബന്ധനകള് ശക്തമാക്കി. ലക്ഷക്കണക്കിനു
ചെടികളും വൃക്ഷങ്ങളും നട്ടു പിടിപ്പിക്കുവാന് ആരംഭിച്ചു. ഇന്ത്യയിലെ എല്ലാ
നഗരങ്ങളും മലിനീകരണ നിര്മ്മാര്ജ്ജന പദ്ധതികള് വളരെ വേഗം ആരംഭിക്കുകയാണെങ്കില്
ലക്ഷക്കണക്കിനു മനുഷ്യ ജീവന് രക്ഷിക്കുവാന് സാധിക്കും.
പട്ടണങ്ങള്
സന്ദര്ശിക്കുമ്പോള് ഫെയ്സ് മാസ്ക് ധരിക്കുനനതടക്കമുള്ള പ്രതിരോധ നടപടികള്
കൈക്കൊള്ളുന്നതു ഉചിതമായിരിക്കും.