Image

ഇന്ത്യന്‍ നഴ്‌സസ് അസോസിയേഷന്‍ ഓഫ് എം.ഐ (INAM) വാര്‍ഷിക യോഗം ചേര്‍ന്നു

ജോയിച്ചന്‍ പുതുക്കുളം Published on 18 May, 2016
ഇന്ത്യന്‍ നഴ്‌സസ് അസോസിയേഷന്‍ ഓഫ് എം.ഐ (INAM) വാര്‍ഷിക യോഗം ചേര്‍ന്നു
ഡിട്രോയിറ്റ്: ഇന്ത്യന്‍ നഴ്‌സസ് അസോസിയേഷന്‍ ഓഫ് എം.ഐ (INAM) വാര്‍ഷിക യോഗം പ്രസിഡന്റ് ഡെയ്‌സണ്‍ ചാക്കോയുടെ വസതിയില്‍ ചേര്‍ന്നു.അധ്യക്ഷ പ്രസംഗം നടത്തിയ പ്രസിഡന്റ് ഏവരേയും സ്വാഗതം ചെയ്തു. സംഘടനയിലേക്ക് പുതിയ അംഗങ്ങളെ ചേര്‍ക്കുന്നതിന് എല്ലാവരും ശ്രമിക്കണമെന്നും. വെബ്‌സൈറ്റ് പുതുക്കുന്നതിനെക്കുറിച്ചും പ്രസിഡന്റ് എല്ലാവരേയും ഓര്‍മ്മിപ്പിച്ചു.

സെക്രട്ടറി സിനു ജോസഫ് റിപ്പോര്‍ട്ടും, ട്രഷറര്‍ അന്നമ്മ മാത്യൂസ് വരവു ചെലവു കണക്കുകളും അവതരിപ്പിച്ചു. സോണി ഏബ്രഹാം അമേരിക്കയില്‍ നിന്നും തിരിച്ച് ഇന്ത്യയിലേക്ക് (ബംഗളൂരൂ) പോകുന്നതിനാല്‍ ഐനാം യാത്രയയപ്പ് നല്‍കി. ഒക്‌ടോബര്‍ 21,22 തീയതികളില്‍ ഷിക്കാഗോയില്‍ വച്ചു നടത്തുന്ന നാഷണല്‍ കണ്‍വന്‍ഷനില്‍ പങ്കെടുക്കുന്നതിനെക്കുറിച്ചും, നൈനയുടെ മെമ്പര്‍ഷിപ്പിനെക്കുറിച്ചും, സുവനീറിനെക്കുറിച്ചും ആലോചിച്ചു. സരജ സാമുവേല്‍ പുതിയ ജോലിക്കായി അപേക്ഷ തയാറാക്കുമ്പോള്‍ ശ്രദ്ധിക്കേണ്ട കാര്യങ്ങളെക്കുറിച്ച് സംസാരിച്ചു. വൈസ് പ്രസിഡന്റ് ഷേര്‍ളി ഉമ്മന്‍ നന്ദി രേഖപ്പെടുത്തി. സ്‌നേഹവിരുന്നോടെ യോഗം സമാപിച്ചു.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക