ജില്ലാ കളക്ടര് എസ്. ഹരികിഷോര് ഇന്നലെ ഒരു സുപ്രധാന
തീരുമാനമെടുത്തു. ഭാര്യ ഗൗരിയെ പാട്ടു പഠിപ്പിക്കും. ജില്ലയിലെ
പോളിംഗ് ശതമാനം വര്ദ്ധിപ്പിക്കുന്നതിനുള്ള വോട്ടര് ബോധവത്ക്കരണ
പരിപാടിയായ സ്വീപിന്റെ ഭാഗമായി പുറത്തിറക്കിയ ഓഡിയോ സി.ഡിയില്
ഭാര്യ പാടിയ പാട്ടു കേട്ട ശേഷമായിരുന്നു തീരുമാനം. കളക്ടറേറ്റില്
നടന്ന സി.ഡി പ്രകാശന ചടങ്ങില് നിറഞ്ഞ സദസിനു മുന്നില് പാട്ടു പാടിയ
ഗൗരിക്ക് കിട്ടിയ കൈയടി കളക്ടറെ അമ്പരപ്പിക്കുകയും ചെയ്തു.
""സി.ഡി
പുറത്തിറക്കാന് തീരുമാനിച്ചപ്പോള് ഏത് ഗായികയെക്കൊണ്ട്
പാടിക്കുമെന്ന് സ്വീപിന്റെ പ്രവര്ത്തകര്ക്ക് സംശയമുണ്ടായി. വീട്ടില്
ചില പാട്ടുകളൊക്കെ കേള്ക്കാറുണ്ടെന്നും വേണമെങ്കില്
പരീക്ഷിക്കാമെന്നും ഞാന് പറഞ്ഞു. അങ്ങനെ സ്റ്റുഡിയോയില് കൊണ്ടുപോയി
പാടിച്ചു. നന്നായിരിക്കുന്നുവെന്ന് എല്ലാവരും പറഞ്ഞു.,"" കെ.എസ്.ഇ.ബി
പത്തനംതിട്ട ഇലക്ട്രിക്കല് ഡിവിഷന് അസിസ്റ്റന്റ് എന്ജിനിയര്
കൂടിയായ ഗൗരി ഗായികയായതിനെക്കുറിച്ച് കളക്ടര് പറഞ്ഞു. ആദ്യമായി
വേദിയില് പാടുന്നതിന്റെ ടെന്ഷനുണ്ടായിരുന്നുവെന്ന് പ്രകാശന
ചടങ്ങിനു ശേഷം ഗൗരി പറഞ്ഞു. നിരവധി വേദികളില് വിവിധ പരിപാടികളില്
പങ്കെടുത്തിട്ടുണ്ടെങ്കിലും ഇത്രയും ടെന്ഷനോടെയിരുന്ന മറ്റൊരു
ചടങ്ങില്ലെന്നായിരുന്നു ജില്ലാ കളക്ടറുടെ കമന്റ്.
""ബീപ്...
ബീപ്... ബീപ്... ഇതാണെന് സംഗീതം,
ബീപ്... ബീപ്... ബീപ്..
ഇതിന്ത്യതന് സംഗീതം,
ജനാധിപത്യത്തിന് സംഗീതം
വോട്ടു
ചെയ്യൂ... വോട്ടു ചെയ്യൂ...."" എന്ന ഗാനമാണ് ഗൗരി
ആലപിച്ചത്.
ബീപ് എന്നു പേരിട്ടിരിക്കുന്ന സി.ഡിയില് ഗൗരിക്കു
പുറമെ അനീഷ്, ബിജില ഖാന് എന്നിവര് പാടിയിരിക്കുന്നു. ഇതിന്റെ വീഡിയോ
സി.ഡിയുടെ ചിത്രീകരണം പുരോഗമിക്കുകയാണ്. പത്തനംതിട്ട സ്വീപ്
സെല്ലാണ് സി.ഡി നിര്മ്മിച്ചത്. എ. ഷിബുവിന്റേതാണ് ആശയവും രചനയും.
സംവിധാനം ബി. വി. ധനുഷ്. ചന്തുമിത്രയാണ് സംഗീതം. ഇലക്ഷന്
ഡെപ്യൂട്ടി കളക്ടര് ഐ.അബ്ദുള് സലാമിന് നല്കി ജില്ലാ കളക്ടര് എസ്.
ഹരികിഷോര് സി. ഡി പ്രകാശനം ചെയ്തു. സ്വീപ് പദ്ധതിയുടെ ഭാഗമായി
ജില്ലയില് നടത്തിയ വിവിധ പ്രവര്ത്തനങ്ങള് ഉള്ക്കൊള്ളിച്ച പുസ്തകം
ഡെപ്യൂട്ടി കളക്ടര് അനു എസ്. നായര്ക്ക് കളക്ടര് നല്കി പ്രകാശനം
നിര്വഹിച്ചു. എ. ഡി. എം എം. വിശ്വനാഥന് അദ്ധ്യക്ഷത വഹിച്ചു.
ഡെപ്യൂട്ടി കളക്ടര് അതുല് സ്വാമിനാഥ്, ജില്ലാ ഇന്ഫര്മേഷന് ഓഫീസര്
കിരണ് റാം, സ്വീപ് അസി. നോഡല് ഓഫീസര്മാരായ രാരാരാജ്, ജയിംസ്
എന്നിവര് സംസാരിച്ചു.