കടുവയെ വെടിവെച്ചുകൊന്ന കേസ് നാഷണല്‍ ടൈഗര്‍ കണ്‍സര്‍വേഷന്‍ അതോറിറ്റി അന്വേഷിക്കും. അതോറിറ്റി ഡി.ഐ.ജി. എസ്.പി. യാദവിന് റോയല്‍ സൊസൈറ്റി ഫോര്‍ പ്രിവന്‍ഷന്‍ ഓഫ് ക്രുവല്‍റ്റി ടു ആനിമല്‍സ് പ്രതിനിധി വിനോദ്കുമാര്‍ ദാമോദര്‍ അയച്ച ഇ-മെയില്‍ സന്ദേശത്തിനുള്ള മറുപടിയിലാണ് ഇക്കാര്യം അറിയിച്ചത്.
കടുവ നരഭോജിയല്ലെന്നിരിക്കെ മനുഷ്യജീവന് ഭീഷണിയുയര്‍ന്നുവെന്ന് പറയുന്നത് യുക്തിസഹമല്ല. മയക്കുവെടിവെച്ചശേഷം കടുവ മയങ്ങുന്നതിനുമുമ്പുതന്നെ വെടിവെച്ചുകൊല്ലുകയായിരുന്നു. മയക്കുവെടിവെച്ചാല്‍ കടുവ മയങ്ങാന്‍ 20 മിനിറ്റെങ്കിലുമെടുക്കും. ഇതിനുള്ള സമയം നല്‍കിയില്ലെന്നും വിനോദ്കുമാര്‍ ആരോപിച്ചു.