വേള്ഡ് മലയാളി കൗണ്സില് ഓണാഘോഷം 2010
ഷാജി
രാമപുരം
ഡോലസ്: വേള്ഡ് മലയാളി കൗണ്സില് ഡാലസ് പ്രോവിന്സും,
നോര്ത്ത് ടെക്സാസ് പ്രോവിന്സും സംയുക്തമായി ഈവര്ഷത്തെ ഓണം ഗംഭീരമായി
ആഘോഷിക്കുവാന് തീരുമാനിച്ചു. ഗാര്ലന്റിലുള്ള എം.ജി.എം ഓഡിറ്റോറിയത്തില്
സെപ്റ്റംബര് നാലിന് രാവിലെ പത്തിന് പരിപാടികള് ആരംഭിക്കും. അത്തപ്പൂക്കളം
മുതല് ചെണ്ടയും കൊട്ടുംകുരവയും, മഹാബലിയും, വിഭവസമൃദ്ധമായ സദ്യയും ഉള്പ്പെടുന്ന
പരിപാടിക്ക് മാറ്റുകൂട്ടുവാന് മലയാളി മങ്കമാരുടെ തിരുവാതിരകളിയും,
കുച്ചിപ്പുടിയും മാത്രമല്ല, വിഷ്ണു തോമസും സംഘവും അവതിപ്പിക്കുന്ന ഹൃസ്വ
ഹാസ്യനാടകവും അരങ്ങേറും.
എല്ലാവര്ഷവും ആയിരത്തിലധികം മലയാളികള്
പങ്കെടുക്കുന്ന ഈ പരിപാടിയില് വാഴയിലയില് വിളമ്പുന്ന നാടന് ഊണ് പ്രസിദ്ധമാണ്.
അമേരിക്കന് പ്രവാസി ജീവിതത്തിന്റെ മരുപ്രയാണത്തില് മലയാളികള് ഒരുമയോടെ
ഒത്തുചേരുന്ന ഈ സംഗമത്തിനായി ഡാലസിലെ മലയാളി സമൂഹം കാത്തിരിക്കുകയാണ്.
മിസൂറി സിറ്റി കൗണ്സിലറും മലയാളിയുമായ റോബിന് ഇലക്കാട്ട്
മുഖ്യാതിഥിയായിരിക്കും. ഡബ്ല്യു.എം.സി അംഗങ്ങളുടേയും ഡാലസിലെ മലയാളികളുടേയും
നിസ്വാര്ത്ഥമായ സഹകരണം അഭ്യര്ഥിക്കുന്നതായി ഡാലസ് പ്രോവിന്സിനുവേണ്ടി
പ്രമോദ് നായര്, ഏലിയാസ് പത്രോസ് എന്നിവരും, നോര്ത്ത് ടെക്സാസിനുവേണ്ടി
പി.സി. മാത്യു, ജോണ്സണ് തലച്ചെല്ലൂര്, പ്രിന്സ് സഖറിയ എന്നിവരും സംയുക്തമായി
അറിയിച്ചു.
കൂടുതല് വിവരങ്ങള്ക്ക്: ഏലിയാസ് പത്രോസ് (214 738 5236),
പി.സി. മാത്യു (972 999 6877).
|